Reuniaun STAE ho CNE, ohin, hodi halo destruisaun ba akta eleitoraís. Imajen/Osória Marques

DILI, 14 fevereiru 2020 (TATOLI) – Sekretariadu Tékniku Administrasaun Eleitorál (STAE) ho Komisaun Nasional ba Eleisaun (CNE), ohin,  halo destruisaun ba akta eleitoraís husi tinan 2017 no eleisaun antesipada tinan 2018 ba sentru lixeira Tibar, Munisípiu Liquica.

Prezidente CNE, Alcino de Araújo Baris.

Prezidente CNE, Alcino de Araújo Baris, hateten, CNE entrega material husi eleisaun 2017 to’o eleisaun ikus nian ba STAE, hanesan urna, akta ne’ebé CNE uza hodi halo apartamentu no bulletin reklamadu.

“Bazeia ba dekretu lei Governu haruka katak bainhira eleisaun hotu no kontajen hotu mak laiha kontesta ruma, entaun STAE hamutuk CNE  halo kedas destruisaun ba sasán hirak ne’e,” hateten Prezidente CNE, Alcino Baris.

STAE ho CNE sunu tarde material tanba demora no sei hein pedidu ba Tribunal Rekursu hafoin semana kotuk mak simu rezultadu, nune’e deside kedas ba loron 14 fevereiru, foin halo destruisaun ba sasán hirak ne’e.

Diretór Jerál STAE, Edgar Sequeira Martins.

Iha fatin hanesan Diretór Jerál STAE, Edgar Sequeira Martins, informa, CNE entrega akta, urna, bulletin, lista votante ba STAE ne’ebé durante ne’e CNE asegura hela.

Prosesu destruisaun akta sira ne’e akompaña mós husi UNDP ho Polisia Nasional Timor-Leste (PNTL).

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here