Komandante Jerál PNTL, Komisáriu Faustino da Costa. Imajen/António Gonçalves

DILI,13 fevereiru 2020 (TATOLI)–Komandante Unidade Polísia Marítima, Lino da Silva Saldanha nia falesidu, halo Komandu Polísia Nasionál Timor-Leste (PNTL) sente lakon ninia líder potensiál di’ak ida iha futuru. 

Tanba ne’e, Komandu PNTL liuhusi komisáriu Faustino da Costa, hato’o sentidu pézame ba família enlutada no ida-ne’e konsidera hanesan tristeza boot ida ba Instituisaun ne’e, tanba komandante Lino Saldanha nu’udár figura potensiál iha instituisaun ne’e.

“Lori komandu PNTL ninia naran, hato’o ami-nia sentidu pézame no ida-ne’e hanesan triste boot ida ba instituisuan ne’e, ne’ebé lakon ninia figura ida, futuru líder ida-ne’ebé di’ak tebes iha instituisaun PNTL nian”, Faustino hato’o ba mídia hafoin enkontru ho Prezidente Repúblika, Francisco Guterres Lú Olo, iha Palásiu Prezidente Nicolau Lobato, Bairru Pité, Dili, ohin.

Entretantu, Komandante Lino da Silva Saldanha ho idade 49, hakotu iis iha Hospital Nacional Guido Valadares, ohin, kuaze tuku 10:30 dadeer otl, hafoin sofre moras fuan.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here