Saudozu Komandante UPM, Lino Saldanha. Impajen/espesiál

DILI, 13 fevereiru 2020 (TATOLI)–Xefe Departamentu Banku de Urjénsia, Todi de Jesus informa, bainhira matebian Lino da Silva Saldanha (idade 49) to’o iha HNGV iha tuku 10:36 dadeer no hafoin minutu 10 ekipa médiku halo resusitasaun maibé la konsege deteta sinais vitais ne’ebé hanesan fuan la book aan no la dada iis.

Nia hatutan, Komandante UPM (Unidade Polísia Marítima) Lino Saldanha nia fuan la book aan tanba afeta husi moras kardiaku (fuan) no tensaun ne’ebe durante ne’e matebian enfrenta.

“Hanesan médiku moras ida hanesan ne’e bolu naran ataka korasaun tanba serangan jantun mak halo fuan paradu,” dehan Xefe Departamentu Banku de Urjénsia, Todi de Jesus, ba jornalista sira iha nia kna’ar fatin HNGV, ohin.

Tuir informasaun, nia haktuir, minutu 10 la book aan husi uma mak mai HNGV entaun to’o iha HNGV mós nia kondisaun la book aan nafatin.

“Husi uma mai la book aan ona maibé kolega sira husi ambulansia mós hahú kedas bomba ne’e husi uma mai to’o HNGV maibé la konsege salva nia vida.

Xefi Departamentu Banku de Urjénsia ne’e haklaken, nia parte rona katak matebian ne’e mós moras kardiaku (fuan) nomós tensaun no hein atu halo tratamentu saúde iha rai liur maibé realidade hatudu ona katak nia husik ona mundu.

Jornalista : Felicidade Ximenes

Editór        : Rafy Belo

HAKEREK NO HATÁN

Please enter your comment!
Please enter your name here