DILI, 12 fevereiru 2020 (TATOLI)-João Saldanha University (JSU), ohin, realiza graduasaun dahuluk iha “Foundation Program” ba estudante hamutuk 20 ne’ebé ho nia durasaun tinan ida ba preparasaun estudante molok tama ba área ne’ebé sira atu estuda ba.

Fundadór JSU, João Saldanha informa ida ne’e graduasaun ba dahuluk nune’e marka istória ida ba JSU rasik.

“Graduasaun ida ne’e marka mós istória ida ba JSU no Misaun JSU nian atu harii tradisaun inovasaun, empreendedorizmu no rezolve problema sira,” Fundadór JSU, João Saldanha ba Jornalista sira hafoin serimónia graduasaun iha JSU, Becora.

Iha biban hanesan, João Saldanha haktuir,  dezde ezisténsia universidade ne’e  estudante totál hosi tinan ezisténsia to’o agora maka 80 estudante.

“Universide João Saldanha eziste iha tinan 2015 ho totál estudante 80 nune’e agora gradua ona 20 estudante,” fundadór ne’e haktuir.

Nune’e nia tenik, kona-ba kurríkulu universidade refere tinan tolu, hahú hozi zero hafoin tama ba estudante sira-nia área espesífika.

“Kurríkulu hahú hosi zero ano ba fali estudu jeneralidade hafoin ba sira-nia área espesífika; ne’ebé iha pasu tolu,” haktuir João Saldanha nuda’ar fundadór ba eskola refere.

Akadémiku ne’e esplika, teste ba universidade refere iha faze tolu, nune’e estudante sira ne’ebé tuir teste ho valór di’ak bele asesu direta ba eskola refere no estudante sira ne’ebé valór 50% universidade sei oferese tan teste dala ida hodi ultrapasa “Foundation Program ka baze programa. Nune’e estudante ne’ebé valór ki’ik sei tuir “Foundation Program”.

“Hafoin atende” foundation program” maka sira estuda materia jeneralidade hafoin ne’e universidade sei ta’is fila liuhosi Matemátika pre-kalkúlu  maka foin determina sira merese iha língua de’it ka iha ekonómia ho bisnis de’it, siénsia no enjiñaria  ka  artikultura ho planu, no aban bairua ba iha medisina kuandu ami loke. Ne’ebe importante maka matemátika importante ba sira ne’ebé maka iha estudu jeneralidade,” nia konsidera.

Nune’e fundadór ne’e salienta bazeia ba kurríkulu, estudante sira ne’ebé mai hosi baze programa ne’e mais ou menus. “Tanba ne’e kurríkulu ne’e tinan tolu, sira mai hosi dasar (baze) Foundation Programa, mais ou menos hala’o estudu iha universidade tinan lima ou bele mós hakat liu,” nia dehan.

Jornalista: Nelia Borges

Editór     : Rafy Belo

HAKEREK NO HATÁN

Please enter your comment!
Please enter your name here