iklan

DILI, INKLUZAUN SOSIÁL, KAPITÁL, MUNISÍPIU

MSSI Sei Halo Reajustamentu Dadus Bolsa da Mãe

MSSI Sei Halo Reajustamentu Dadus Bolsa da Mãe

Benefisiariu sira kona-ba programa Bolsa da Mãe. Imajen/Dok.Mídia MSSI

DILI, 11 fevereiru 2020 (TATOLI) – Ministériu Solidariedade Sosiál no Inkluzaun (MSSI) sei halo fali reajustamentu dadus bolsa da Mãe ba benefisiáriu 47.539 iha territóriu.

Diretór Nasionál Asisténsia Sosiál (DNAS), Lucas Toes hateten, planu reajustamentu ne’e hodi identifika benefisiáriu ne’ebé kondisaun família moris sosiál hahú di’ak, nune’e mós sei haree ema ne’ebé mate ona.

Diretór DNAS, Lucas Toes, ba Ajénsia TATOLI iha nia knar fatin, ohin,  esklarese, prosesu pagamentu bolsa da mãe ne’ebé hala’o iha inísiu fulan dezembru 2019 to’o mai iha  fevereiru 2020, konklui ona iha munisípiu 12 inklui Rejiaun Administrativu Espesiál Oe-cusse Ambeno (RAEOA) ho total total benefisiáriu 47.539 ne’e MSSI aloka orsamentu hamutuk $6,121,080.00.

“Kada benefisiáriu fulan ida simu $5,00 no tinan ida $60,00, maibé família ida labarik nain tolu mak rejista entaun total tinan ida $180,”dehan Lucas Toes.

Programa subsídiu bolsa da mãe hahú implementa iha tinan 2012 to’o ohin hodi atu matan ba família ne’ebé ho moris vulneravel.


Jornalista : Nelson de Sousa

Editór       : Francisco Simões

iklan
iklan

Leave a Reply

iklan
error: Content is protected !!