Diretór Nasionál Empregu Esteriór SEPFOPE, Filomeno Soares. Imajen Tatoli/Natalino Costa

DILI, 10 fevereiru 2020 (TATOLI) – Tuir dadus hosi Diresaun Nasionál Empregu Esteriór, Sekretáriu Estadu Formasaun Profisionál no Empregu (SEFOPE), fó sai katak totál traballadór timoroan ne’ebé sei serbisu iha Koreia Súl hamutuk 2.776.

Diretór Nasionál Empregu Esteriór, Filomeno Soares, ba Ajénsia TATOLI, iha Senai Becora, ohin, akresenta númeru traballadór timoroan ne’ebé serbisu iha Koreia Súl, hahú hosi 2009 to’o agora hamutuk 3.681, na’in-905 maka fila ona mai Timor-Leste, mane ho totál 852 no feto 53.

“Dadus ne’ebé maka ami iha, totál traballadór iha Koreia Súl, hahú husi 2009 to’o agora 3.681 maibé husi númeru ne’e, na’in-905 kompostu hosi mane 852 no feto 53 maka fila ona, hosi númeru hirak ne’e agora daudaun sira ne’ebé maka sei eziste iha ne’ebá hamutuk 2.776”, Filomeno reitera.

Iha 2009, traballadór timoroan ne’ebé serbisu iha área fábrika nian hamutuk 34, feto laiha, 2010 mane 34 inklui feto haat, 2011 mane 105 inklui feto rua, 2012 mane 163 no feto sia, 2013 mane 89, feto na’in-tolu, 2014 mane 112 no feto na’in-hitu, 2015 mane 147, feto neen, 2016 mane 148, feto 10, 2017 mane 128, feto 13, 2018 mane 177, feto na’in-haat, 2019 mane 118, feto haat, 2020 mane 11 no feto laiha.

Entretantu, traballadór ne’ebé serbisu iha área ortikultora iha 2009 laiha, 2010 mak mane 31, feto 44 tanba servisu kaman, 2011 mane lima, feto 11, 2012 mane 16, feto 16 , 2013 feto na’in-rua no mane laiha, 2014, 2015, 2016, 2017 laiha, 2018 mane ida de’it, feto laiha, 2019 no tinan ne’e laiha.

Serbisu na’in ne’ebé bá hala’o knaar iha setór peska nia husi 2009 to’o agora hamutuk 2000-resin.

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here