Logotipu AJTL

DILI, 07 fevereiru 2020 (TATOLI)- Asosiasaun Jornalista Timor-Leste (AJTL) halo konférensia ba dahat ho tema “ Hamutuk Hametin no Defende Independénsia Editorial” ne’ebé realiza iha Salaun São Miguel Raikotu, Comoro, ohin.

Prezidente AJTL David Hugo hateten, tuir planu kongresu ne’e realiza tiha ona iha fulan outubru kotuk ba maibé ho razaun atividade barak iha munisípiu nune’e adia fali ba loron ohin hodi organiza kongresu refere.

Nia hatutan konferensia AJTL ne’e halo bazeia ba estatutu ne’ebé hatuur ona hosi fundadór sira AJTL nian hodi haree ba mandatu sira ne’ebé kada tinan mai ho planu no programa.

“Kongresu AJTL ne’e hala’o bazeia bae estatutu ne’ebé hatu’ur ona hosi fundadór AJTL sira, kongresu ne’e hanesan baibain, mandatu ida mai fali ho nia programa no planu ne’ebé hala’o kada tinan, entaun ida ne’e tenke halo duni hodi envolve joven no membru sira ne’ebé hamahan an iha asosiasaun nia laran”.

Nune’e prezidente AJTL ne’e haktuir tan katak Kongresu ne’e hala’o hodi prepara mandatu ba tinan foun 2020 to’o 2024 nian ho nia estrutura no programa foun sira ne’ebé sei liu hosi diskusaun ne’ebé ko’alia liu kona – ba tema kontestu ne’ebé iha ona.

Nune’e konférensia partisipa hosi Sekretáriu Estadu Komunikasaun Sosial Meuricio Juvinal dos Reis Akara, Prezidente Konsellu Imprensa Virgílio da Silva Guterres, Prezidente Agência TATOLI, José da Costa, Prezidente TLPU, Manuel Pinto no Membru Jornaslita AJTL no TLPU balun.

Entretantu, konférensia AJTL ne’e hahú iha loron 7 fulan fevereiru no remata loron 8 fulan Fevereiru tinan 2020.

Jornalista: Nelia Borges

Editór       : Rafy Belo

HAKEREK NO HATÁN

Please enter your comment!
Please enter your name here