Prezidente Shotokan Karate-do Internatinonal Federation of Timor-Leste (SKIFTL), António Carlos de Araújo. Imajen/espesiál

DILI, 03 fevereiru 2020 (TATOLI)–Sekretáriu Jerál Federasaun Karatedo Timor-Leste (FKTL), António Carlos de Araújo hateten federasaun hato’o ona proposta ba Sekretaria Estadu Juventude no Desportu (SEJD) nune’e iha tempu besik bele realiza kampionatu nasionál.

“Tinan 2020 ne’e ami halo ona proposta hodi hatama ba iha SEJD atu husu apoiu Governu nian nune’e iha marsu nia laran ne’e ami bele realiza kampionatu nasionál atu atleta karatedo hotu bele partisipa,” Carlos ba Agência Tatoli iha edifísiu Konfederasaun Desportiva Timor-Leste (CDTL-sigla Portugés), Dili, segunda ne’e.

Nia dehan, kampionatu nasionál ne’e ho nia objetivu atu haree ba kualidade atleta nai’n-haat ne’ebé atu partisipa iha jogu Komunidade  Nasaun Ko’alia Lian Portugeza (CPLP-sigla Portugés) ne’ebé sei hala’o iha marsu mai ne’e no intensaun seluk atu prepara mós fini atleta ba jogu internasionál seluk ne’ebé sei hala’o iha 2020 nia laran.

“Kampionatu nasionál ne’ebé maka ami atu hala’o ne’e ho nia objetivu atu haree mós ba sira na’in-haat ne’ebé atu partisipa iha jogu CPLP nian rasik. Kuandu sira mantein prestasaun di’ak, sira sei mantein. Sé ema seluk fali maka hatudu prestasaun entaun tenke troka ho ema seluk ne’ebé prestasaun di’ak ne’e,” Carlos informa.

Nia haktuir, proposta ne’ebé husu ajuda ba SEJD hodi tulun orsamentu sira la husu montante hira maibé depende ba Governu nia kbi’it tanba haree ba situasaun agora la’o hela iha Timor-Leste.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here