DILI, 02 fevereiru 2020 (TATOLI)- Membru eis grupu arte arisiál (GAM) iha Aldeia Samagia/Itidão, Suku Tekinomata, Postu Administrativu Laga, Munisípiu Baucau, sábadu (01/02/2020), lansa atake (ataque) malu ho fíziku no uza sasán kro’at hodi rezulta joven na’in tolu husi grupu parte rua nian kanek todan.
Komandu Polisia Munisipál Baucau halo ona atuasaun no intervensaun ba kazu ataka malu entre eis GAM ne’e no evakua vítima na’in tolu mai halo tratamentu intensivu iha Ospitál Referénsia Baucau.
Komandante Jerál Polisia Nasionál Timor-Leste (PNTL), Komisáriu Faustino da Costa, informa, polisia kaptura ona suspeitu na’in ida ho inisiál AM ne’ebé nia mós hetan kanek todan tanba taa husi família vítima no agora halo hela tratamentu saúde iha ospitál.
“Suspeitu prinsipál mós agora ita kaer ona, nia mós kanek todan iha hela ospitál,” Komisáriu Faustino da Costa, informa, ohin, ohid responde jornalista sira iha Dili.
Faustino hatutan, suspeitu sira ne’ebé halai, parte PNTL koopera ho autoridade suku, inklui Membru Konsellu Polisiamentu Komunitáriu (KPK) no Ofisiál Polisia Suku (OPS) rekolla ona sira nia naran hodi buka tuir para kaptura hotu.
Jornalista : Eugénio Pereira
Editór : Francisco Simões
De jure bele dehan eis-GAM, maibe de facto sira sei ativu, tanba ne’e maka mosu nafatin konflitu entre sira-nia membru sira, sa tan lei Lei kona-ba Arte marsial no Sasan Kro’at (Arma Branka) ninia aplikasaun mos la efetivu.