Logotipu UNTL.

DILI, 31 janeiru 2020 (TATOLI) – Estudante Ensinu Sekundáriu Jéral (ESJ) no Estudante Sekundáriu Tékniku Vokasionál (ESTV) hamutuk 4.211 aprovadu ona hodi asesu ba ensinu superiór públiku, Universidade Nacional Timor Lorosa’e (UNTL) ba tinan akadémiku 2020.

“Husi kandidatu 4.211 ne’ebé asesu ba instituisaun Ensinu Superiór Públiku ne’e (UNTL) hamutuk na’in 4.016 no Instituto Politéknico Betano na’in 195,” Prezidente Komisaun ba Asesu Ensinu Superiór (KAES), Maria Filomena Lay Guterres informa, iha salaun MESSK, Colmera, ohin.

Tuir nia, estudante ne’ebé asesu ba UNTL ho rejime jéral hamutuk 3.045, rejime espesiál kategoria ba oportunidade 584, inklui F-FDTL,PNTL,Defisiente, Veteranu, Desportista hamutuk na’in 387; Total 4.016.

Agora sira ne’ebé asesu ba Instituto Politécniko Betano (IPB) husi rejime jéral 156, rejime espesiál kategoria oportunidade 19 inklui F-FDTL,PNTL,Defisiente, Veteranu, Desportista hamutuk na’in 20.

Diretora Jerál ne’e hateten, prosesu ida ne’e realiza liuhusi aprovasaun diploma Ministéru númeru 20/2019 iha loron 7 agostu. Diploma ne’e fó kompeténsia ba KAES atu responsabiliza ativiade ne’ebé relativa ba asesu ensinu superiór Públiku.

Agora husi prosesu ne’ebé estudante ESJ no Estudante ESTV asesu ba Ensinu Superiór públiku tinan akadémiku 2020 ba rejime jerál nian hamutuk 22.197. Maibé, sira ne’ebé mak prinexe buletin hodi eskolla departementu hamutuk 21.050 no na’in 1.147 husi totál finalista ensinu sekundáriu mak la prienxe buletin
Ne’eduni totál estudante ne’ebé la admitidu ba ensinu Superiór Públiku hamutuk na’in 17.849 estudantes

Tanba ne´e, estudante ESJ no ESTV finalista ne’ebé aprova atu tama UNTL no IPB hamutuk 21.050 ne’ebé prienxe rekezitu maibe aprovadu 3.201 husi númeru ida ne’e na’in 3.046 tama ba UNTL no 156 tama ba IPB..

Entertantu, KAES kompostu husi elementu MESSK (Ministériu Ensinu Superiór, Siénsia no Kultura), UNTL no IPB maibé KAES halo kordenasaun ho entidade relevante hanesan Komisaun Omenagen, F-FDTL, PNTL, SEJD, MEJD, ADTL no lider iha prosesu dizeminasaun informasaun iha Munisípiu hotu kona ba rejimi asesu UNTL no IPB ne’e.

Jornalista : Tomé Amado
Editór .       : Rafy Belo

HAKEREK NO HATÁN

Please enter your comment!
Please enter your name here