Primeiru-Ministru, Taur Matan Ruak. Imajen Tatoli/Egas Cristóvão

DILI, 30 janeiru 2020 (TATOLI)–Primeiru-Ministru (PM),Taur Matan Ruak deklara katak Partidu Congresso Nacional de Reconstrução de Timor (CNRT), oho tiha ona Koligasaun Aliansa Mudansa ba Progressu (AMP), iha loron 17 no Taur Matan Ruak hakoi iha loron 20 fulan-janeiru 2020.

Primeiru-Ministru ,Taur Matan Ruak deklara asuntu ne’e hafoin enkontru semanál ho Prezidente Repúblika (PR), Francisco Guterres Lú Olo, iha Palásiu Prezidente  Nicolau Lobato, Bairru Pité, Dili, ohin.

Deklarasaun ne’e, hodi responde pergunta kona-ba deklarasaun Sekretáriu Jerál CNRT, Francisco Kalbuadi Lay ne’ebé antes ne’e dehan katak AMP sei eziste no bainhira atu disolve tenke liuhusi konferénsia.

“CNRT oho tiha ami iha 17 janeiru no ha’u hakoi tiha iha 20 janeiru tinan ne’e”, Taur informa.

Nia dehan, agora daudaun hanesan Primeiru-Ministru kontaktu nafatin ho Prezidente Repúblika no mós órgaun soberanía sira seluk atu buka solusaun ba situasaun atuál.

Antes ne’e, Sekretáriu Jerál partidu CNRT, Francisco Kalbuadi Lay deklara katak inezisténsia AMP tenke liuhusi konferénsia.

Jornalista: Cipriano Colo

Editór: Xisto Freitas

1 KOMENTÁRIU

  1. AMP la eziste ona, maibe tanba sa mak PM sei Eziste???? tanba PM mai husi Povo ne’ebe tuir Eleisaun Parlamentar iha tinan hira liu ba hodi vota ba Koligasaun AMP, laos PLP manan mesak iha eleisaunj ne.

HAKEREK NO HATÁN

Please enter your comment!
Please enter your name here