Prezidente LFTL, Nilton Gusmão. Imajen Tatoli/dok.

DILI, 29 janeiru 2020 (TATOLI)–Prezidente Liga Futeból Amadora (LFA), Nilton Gusmão hateten LFA époka 2020 sei hala’o iha abríl mai ne’e tanba iha marsu sei hala’o kongresu ba estrutura.

“Kona-ba hahú époka foun hanoin ita sei hahú iha abríl nia laran tanba marsu ne’e sei iha kongresu ba Liga Fureból Amadora. Kongresu ramata maka haree iha diresaun foun ida maka foin organiza fali LFA Époka Kintu nian,” Nilton dehan iha Lecidere, Dili, kuarta ne’e.

Nia hatutan LFA sei hala’o iha abríl maibé jullu hakarak ka lakohi tenke deskansa tanba sei iha jogu CPLP. Hafoin jogu refere ramata foin kontinua fali Liga.

“Buat hotu maka hanesan ne’e ona. Maibé, ha’u hanoin, Liga labele deskansa tarde liu nune’e iha jogu bele kualidade liután,” nia dehan.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here