Diretór Nasionál Empregu Esteriór SEPFOPE, Filomeno Soares. Imajen Tatoli/Natalino Costa

DILI, 28 janeiru 2020 (TATOLI) – Diretór Nasionál Empregu Esteriór (DNEE) Sekretáriu Estadu Formasaun Profisionál no Empregu (SEFOPE, sigla-portugés), Filomeno Soares, informa tuir planu, SEPFOPE sei haruka timoroan ho mínimu 5000 no másimu 10.000 bá serbisu iha Austrália.

Timoroan hirak ne’e sei bá liuhosi programa serbisu sazonál (SWP, sigla inglés) no pacific labour scheme (PLS) ho númeru timoroan ne’ebé barak tanba empreza hosi Austrália hatama pedidu barak ba SEFOPE.

“Tinan ida ne’e nia-laran de’it, tuir ami-nian kálkulu, sei haruka timoroan mínimu 5000 no másimu 10.000 hodi bá serbisu iha Austrália liuhosi SWP no PLS nian, tanba tinan ne’e iha demanda barak hosi empreza Austrália, hodi husu timoroan atu bá serbisu tanba sira haree timoroan nia serbisu di’ak no sira gosta hodi rekruta tan”, nia dehan ba Ajénsia TATOLI iha Becora, ohin.

SEFOPE garante númeru timoroan nian atu bá serbisu tanba tinan kotuk barak maka aplika ona vaga SWP ho PLS iha munisípiu sira.

“Ha’u hanoin atu korresponde ba númeru ida ne’e, ami prepara ona ita-nia timoroan sira ne’ebé foin daudaun tuir vaga barak liu iha SWP no PLS nian ne’ebé loke ona iha munisípiu to’o postu, agora balun liu ona vaga ne’e. Daudaun ne’e, sira-nia naran tama ona iha work ready full, hein kuandu pedidu mai entaun ita-nia timoroan sira bele bá ona”, salienta.

Nia dehan Governu kompromete sei kontinua buka dalan atu redús dezempregu iha rai-laran liuhosi lobi sira ho Austrália no ida ne’e hatudu ona pasu pozitivu tanba liuhosi kooperasaun ne’ebé iha, timoroan sira barak agora serbisu iha Austrália liuhosi SWP no PLS.

“Ha’u hanoin katak SWP no PLS fó oportunidade ba timoroan barak, hanesan SWP ami laiha númeru ne’ebé serteza, maibé PLS nian, husi 2019 to’o agora, maske programa ne’e foun maibé timoroan kuaze 100-resin maka bá ona”, hateten.

Tanba ne’e, timoroan sira ne’ebé maka naran tama ona iha work ready full, tenke tuir kursu lian inglés iha sentru formasaun sira, atubele eleva koñesimentu.

“Ami husu ba timoroan sira, agora importante maka otimaliza lian, kapasita an iha lian inglés, nune’e bá serbisu ita bele iha ona koñesimentu língua, atu bá serbisu karik labele hetan difikuldade”, sujere.

Jornalista : Natalino Costa

Editora : Maria Auxiliadora

12 KOMENTÁRIU

  1. Parabenz ba Sefope
    Tamba Ema barak MK tuir ona teste fisiku no Non Fisiku sra Maibe ikus Ema sra nb tuir Juramnto Partidu MK mosu iha Australia.. .obrigado

  2. Espera katak buat hotu Lao ho tranquilo tanba Timor oan Barak mak agora dadaun iha hela desemprego nia laran no ida nee mak governo planeia ona ba jovem sira hau sente iha benefícios Barak tanba bele hadia ona nesesidades Uma laran nian.

    Obrigado.

  3. ESPERA KATA BUAT HOTU SEI LAO HO DIAK TRANGUILO TANBA TIMOR OAN BARAK MAK AGORA DADUN IHA HELA DESENPREGO NIA LARAN NO IDA NE MAK GOVERNU PANEIA ONA KATAK JOBEN SIRA HOTU SENTI KONTENTI NO BENEFICIOS BARAK TANBA BELE HADIA SIRA NIA NESESIDADE NO SIRA NIA MORIS LORLORON NIA IHA SIRA NIA FATIN NBE SIRA HL BA.
    OBRIGADO

  4. Swp 2016 nee tuir testo iha tibar nee bain hira los
    No nusa la urus tia Candidatu SWP 2016 nian hotu mak bele rekruta tan

HAKEREK NO HATÁN

Please enter your comment!
Please enter your name here