Prezidente Repúblika, Francisco Guterres Lú Olo. Imajen Tatoli/António Gonçalves

DILI, 27 janeiru 2020 (TATOLI)–Prezidente Repúblika (PR), Francisco Guterres Lú Olo, iha 28 janeiru 2020, sei fó pose ba Embaixadór Timor-Leste na’in-sia.

Komunikadu ne’ebé fó-sai husi Palásiu Prezidensiál, segunda ne’e, hateten embaixadór sira ne’ebé sei simu pose atu koloka ba nasaun Reinu Unidu no Irlanda Norte, Repúblika Popular Xina, Japaun, Singapura, Vatikanu, Portugal, Austrália, Kamboja no Laos.

Liuhusi Dekretu Prezidente Repúblika ne’ebé asina, ohin, Xefe Estadu dekreta hodi nomea embaixadór/a extraordinária no plenipotensiáriu, mak hanesan Maria Natália Guterres Viegas Carrascalão ba nasaun Singapura ho númeru dekretu Prezidensiál 13/2020, Hermenegildo Lopez ba nasaun Kamboja ho númeru dekretu Prezidensiál 14/2020, Juvita Rodrigues Barreto de A. Gonçalves ba Estadu Vatikanu ho númeru dekretu Prezidensiál 15/2020, Abrão dos Santos ba Repúblika Populár Xina ho númeru dekretu Prezidensiál 16/2020, Isabel Amaral Guterres ba nasaun Portugal ho númeru dekretu Prezidensiál 17/2020, Maria Renata Caldas de Jesus ba nasaun Laos ho númeru dekretu prezidensiál 18/2020, Inês Maria de Almeida ba nasaun Austrália ho númeru dekretu Prezidensiál 19/2020, Gil da Costa ba nasaun Reinu Unidu no Irlanda Norte ho númeru dekretu Prezidensiál 20/2020 no Ilídio Ximenes da Costa ba nasaun Japaun ho númeru dekretu Prezidensiál 21/2020.

Serimónia tomada pose ba embaixadór hirak-ne’e sei realiza, aban (28/01/2020), iha Palásiu Prezidente Nicolau Lobato, tuku 09h30 otl.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here