Ekipa Lalenok United FC. Imajen espesiál

DILI, 22 janeiru 2020 (TATOLI)–Klube zigante Timor-Leste, Lalenok United FC, derrota ho nia adversáriu PSM Makassar, Indonézia, iha jogu Playoff Tasa Asian Football Confederation (AFC) 2020 ne’ebé hala’o iha Estádiu Kapten I Wayan Dipta, Gianyar, Bali, kuarta ne’e.

Golu vitória PSM Makassar prodús hosi jogadór F. Si aga iha minutu 12, 70, 72. G. L. Rogrigues 41. Enkuantu golu úniku Lalenok hatama hosi Daniel Adadi iha minutu 2.

Entretantu, jogu tuir fali, ekipa rua sei joga hasoru-malu fali iha Estádiu Pakansari Bogor, 29 janeiru mai ne’e.

Maski lakon ona ho klube zigante Indonézia ne’e, Lalenok tenke serbisu maka’as atu manán iha jogu daruak ho rezultadu golu 5 ba leten para bele hakat ba faze Grup H AFC Cup 2020.

Enkuantu, se PSM kontinua lidera vitória iha jogu daruak, obrigadu ekipa refere maka sei ultrapasa bá Grup H iha jogu Liga Champion Ázia nian.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here