Komandante administrasaun PNTL,Superindente Xefi Jose Soares.Imajen/Antonio Goncalves

DILI, 21 janeiru 2020 (TATOLI)-Komandante Administrasaun Polisia Nasionál Timor-Leste, Superintendente Xefe, José Soares, informa relasiona ho proposta orsamentu jerál estadu ne’ebé sumba iha parlamentu foinlalais sei afeita ba prosesu konstrusaun edifísiu Kuartél  Jerál PNTL foun iha Caicoli.

“Situasaun orsamentu ne’ebé sumba afeita ituan ba servisu ne’e, maibé sorte iha 2019 ita fó uluk ona osan milliaun $ 2 ba kompaña hodi mobiliza ekipamentu pezadu husi Xina agora mai ona iha dalan,”dehan, Superintendente Xefe ba jornalista sira iha Caicoli,ohin.

Nia hateten parte PNTL sei kontinua kordena ho kompaña implementadóra atu hahú servisu hodi hein aprovasaun OJE 2020.

Notísia Relevante:Sanghai Construction Ezekuta Projetu KJ-PNTL ho Valor $10,177,638.20

Kompañia Internasionál Shanghai Constraction Group Co, Ltd (SCG) no konsultan PT. Ciriajasa Cipta Mandiri in JV ho JKC Consultan Engineering Unipesoal Lda, maka ka’er obra ne’e ho totál orsamentu milliaun $10,177,638.20.

Entretantu, proposta OJE 2020 PNTL prevee Milliaun $32,087 fahe ba ketegoria, salariu e vensimentu $15.900, Bens e servisu $15.079, tranferensia públika zero (0),  kapitál menór $808,  no kapitál dezenvolvimentu $300 maibé sumba ona iha parlamentu.

Jornalista : Eugénio Pereira

Editór : Francisco Simões

HAKEREK NO HATÁN

Please enter your comment!
Please enter your name here