Ilustrasaun kona-ba Infesaun vias respiratória ho pneumonia

DILI, 20 janeiru 2020 (TATOLI)-Xefe Sentru Saúde Becora, Adelina Pinto hateten, durante fulan janeiru to’o dezembru 2019 moras infesaun vias respiratóriu aas liu iha Sentru Saúde Becora.

“Moras infesaun vias respiratóriu ne’e bainloron mós nia bele mosu tanba rai rahun. Iita hatene katak bee moos mós menus iha área Cristo Rei ni’an, rai rahun makaas, moras infesaun vias respiratóriu aas liu iha  Sentru Saúde Becora ne’e,” dehan Xefe Sentru Saúde Becora, Adelina Pinto, ba Ajénsia TATOLI iha nia kna’ar fatin, ohin.

Nia hatutan, atu halo prevensaun ba moras infesaun vias respiratóriu ne’e, meius barak Sentru Saúde Becora hala’o, liuhusi promosaun edukasaun saúde iha Sentru Saúde becora.

“Ami halo promosaun iha ne’e no mós halo promosaun edukasaun iha mobile Klinika Sisca, ne’ebé ami hala’o kada fulan iha ami-nia fatin no iha mós eskola. Ami sempre halo nafatin promosaun edukasaun iha eskola, nune’e estudante sira bele hatutan infomasaun ba sira ida-idak nia familia,” nia dehan.

Entertantu, nia informa, durante janeiru to’o dezembru 2019,  pasiente moras infesaun vias respiratóriu ne’ebe rejistu iha Sentru Saúde Becora hamutuk ema na’in 32,619.

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here