Juiz Administradár Tribunal Distritál Dili, Afonso Carmona. Imajen/Domingos Piedade.

DILI, 16 janeiru 2020 (TATOLI) – Juiz Administradór Tribunal Distritál Dili (TDD), Afonso Carmona, ohin, informa, iha tinan 2020 TDD halo esforsa hakbesik justisa ba povu, liuliu area jurizdisaun Munisípiu Dili nian.

Notísia Relevante : JSMP Apresia Servisu Tribunal Movel

“Iha tinan 2020 hakbesik justisa ba povu, la’ós de’it ba halo julgamentu ba kazu povu kbiit laek ninian, mas ba kazu saida de’it,”  hateten Afonso Carmona, ohin, ba jornalista sira iha ninia kna’ar fatin.

Seluk fali, nia hateten, TDD  iha obrigasaun tuun ba haklaken ba povu kona-ba servisu tribunal nian, liuliu ba kazu krime no sivíl atu sira mós iha koñesimentu natoon hodi bele minimiza krime iha rai laran.

Afonso Carmona mós dehan, julgamentu movel ne’ebé mak hahú tiha ona iha Munisípiu Ermera konsege prosesa ona kazu krime hamutuk 24 husi juiz koletivu no  semana ne’e sei halo fila-fali julgamentu movel iha Munisípiu Liquiça.

Jornalista : Domingos Piedade Freitas

Editór       : Francisco Simões

 

HAKEREK NO HATÁN

Please enter your comment!
Please enter your name here