Ekipa selesaun nasionál U-19 hala'o hela preparasaun. Imajen Tatoli/Hortençio Samchez

DILI, 15 janeiru 2020 (TATOLI)Treinadór Selesaun Nasionál U-19, Eduardo Pereira hateten, daudaun ne’e, nia fó hela treinamentu ba jogadór sira hodi prepara ba jogu internasionál Asian Football Federation (AFF) Cup ne’ebé sei hala’o juñu mai ne’e.

“Jogu Asian Football Federation sei hala’o iha juñu tinan ne’e. Entaun, iha oportunidade ba ekipa ne’ebé agora ha’u lidera hela atu ba partisipa. Nune’e mak ha’u fó hela treinamentu ba jogadór sira,” Eduardo ba Agência Tatoli iha kampu Federasaun Futeból Timor-Leste (FFTL), Bairru Formosa, Dili, kuarta ne’e.

Nia dehan preparasaun ne’ebé agora la’o daudaun partisipa hosi jogadór hamutuk 50 resin.

“Preparasaun ida agora la’o hela ne’e jogadór hamutuk 50 resin mak partisipa. Ami foti jogadór hosi klube boot sira ne’ebé iha. Ami foti mós jogador balun hosi jogu eskolár ne’e hamutuk na’in-7 hanesan Suai 3, Baucau 3 no mós Liquiça 1,” treinadór ne’e haktuir.

Aleinde ne’e, ekipa refere hala’o mós preparasaun ba jogu amigável ne’ebé sei hala’o iha Japaun, fulan oin, iha ne’ebé jogadór ne’ebé partisipa hamutuk 18 no nasaun 10 iha Ázia mak sei partisipa.

Tanba ne’e, oras ne’e, preparasaun foin mak atinje pursentu 25 no hetan kolaborasaun di’ak entre FFTL no treinadór.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here