Primeiru-Ministru, Taur Matan Ruak, hamutuk ho ninia membru sira iha Parlamentu Nasionál (PN), ohin, iha sesaun plenária hodi debate proposta Orsamentu Jerál Estadu 2020. Imajen/ Egas Cristovão.

DILI, 15 janeiru 2020 (TATOLI)–Livru Panorama Orsamentál 2020 ne’ebé VIII Governu Konstitusionál aprezenta ba Parlamentu Nasionál, ohin, hanesan deskreve tuir mai.

Saláriu no Vensimentu

Alokasaun orsamentu ba kategoria Saláriu no Vensimentu millaun $235,6 sa’e %10 iha 2020 kompara ho alokasaun iha OJE 2019. Ida-ne’e tanba kustu husi mudansa iha estrutura tuir orgánika foun, rejime espesiál ba funsionáriu públiku no rekrutamentu foun.

Medida Prinsipál

  • Munisípiu hotu hodi kompleta pozisaun iha estrutura Governu lokál se gasta millaun $13,8.
    • Munisípiu sira sei prenxe estrutura Governu lokál, sei gasta millaun $3.
    • F‐FDTL halo rekrutamentu membru 600 foun sei gasta $936.000.
    • Komisaun Funsaun Públika sei uza $730.000 ba promosaun interna ba funsionáriu sira.
    • $700.000 ba Ministériu Finansa hodi selu nia funsionariu sira ne’ebe hetan rejime espesial.
    •Aumentu iha saláriu mós tanba promulgasaun orgánika foun ne’ebé kauza restrutura interna no mós kria pozisaun foun ne’ebé sei kobre iha Orsamentu Jerál Estadu 2020.

Sasán no Servisu

Alokasaun orsamentu Fundu Konsolidadu Timor-Leste (FKTL) ba kategoria sasán no serbisu hamutuk millaun $561,8 ba tinan 2020, sa’e %24 kompara ho alokasaun orsamentu ho OJE 2019. Aumentu iha 2020 ne’e tanba alokasaun boot ba manutensaun no operasaun no atu selu dívida eletrisidade eletrisidade.

Medida Prinsipál sira

  • Millaun $166,4 iha Ministériu Obra Públika ba mina no manutensaun jeradór eletrisidade iha Hera no Betano, inklui selu dívida mina ba jeradór millaun $60,6 kona-ba manutensaun ba transmisaun eletrisidade (150KW) no sub‐estasaun 20KW. Ida ne’e inklui torre iha kruzamentu krítiku iha fatin hitu, hanesan N117, N31, N71, N72,N15, N34 no N76. Fornese eletrisidade ba nasaun tomak importante ba dezenvolvimentu no kreximentu ekonómiku
  • Millaun $31,1 iha “Dotasaun ba Governu Tomak” ba fundu kontrapartida. Ida-ne’e atu kontinua implementa projetu kontrapartida sira, inklui sosa atu sosa ferry Nakroma II.
  • Millaun $8,0 iha “Dotasaun ba Governu Tomak” ba serbisu legál Estadu nian.
    • Millaun $6,9 ba programa merenda eskolar ba eskola públiku sira.
    • Millaun $4,98 ba SAMES (Serviços de Medicamentos e Equipamentos de Saúde) atu sosa aimoruk no sasán farmásia nian hodi ajuda hadi’a kualidade serbisu saúde públiku iha territóriu tomak.
  • Millaun $3,0 iha “Dotasaun ba Governu Tomak” ba serbisu aviasaun sivíl.
    • Milaun $2,8 iha “Dotasaun ba Governu Tomak” hodi selu ba kuota nu’udar membru ba institusaun internasionál hodi kontinua asegura partisipasaun Timor‐Leste nian iha atividade nível rejionál no internasionál.
  • Millaun $2,5 iha “Dotasaun ba Governu Tomak” ba sensu populasaun no uma kain. Dadus sensu importante atu halo programa dezenvolvimentu ekonómiku no sosiál ne’ebé di’ak liu.
    • Millaun $2,1 iha GPM ba partisipasaun Timor‐Leste nian iha expo Dubai.
    • Millaun $ 1,0 iha “DotasaunGovernu Tomak” ba eventu komunidade Nasaun ko’alia lian Portugeza (CPLP) nomos eventu desportiva CPLP.

Transferénsia Públika

Transferénsia públika kompostu hosi despeza Governu nian ba ajudu públiku no pagamentu ba kompromisu. Alokasaun ba kategoria ida-ne’e iha 2020 tun ba millaun $329.7, iha redusaun %9,1 kompara ho OJE 2019 nian.

Medida Prinsipál

  • Millaun $91,4 aloka iha Ministériu Asuntu Kombatente Libertasaun Nasionál ba pensaun veteranu no konstrusaun uma ba veteran sira.
    • Millaun $63,8 ba Ministériu Petróleu no Minerál hodi investe iha Timor‐Gap.
    • Millaun $41,3 aloka iha Instituisaun Nasionál Seguransa Sosiál (INSS) ba rejime seguransa sosiál kontributivu no la’ós kontributivu.
  • Millaun $22.6 ba Ministériu Petróleu no Minerál hodi suporta Autoridade Nasionál Petróleu no Minerál (ANPM), Timor‐Gap no Instituisaun Petróleu no Jeolojia (IPG). Orsamentu ne’e hodi suporta instituisaun sira-ne’e atu asegura masimizasaun benefísiu rekursu naturál ba Timor‐Leste.
    • Millaun $15,2 iha “Dotasaun ba Governu Tomak” hodi selu pensaun ba funsionáriu públiku permanente sira iha rejime kontributivu.
    • Millaiun $11.3 iha Ministériu Saúde ba tratamentu saúde iha rai‐liur, kuidade saúde primária no subsídiu ba doutór Kubanu sira iha Timor‐Leste. Investimentu hirak-ne’e importante atu kontinua hadi’a kualidade serbisu saúde ba populasaun tomak.
  • Millaun $10 iha “Dotasaun ba Governu Tomak” hodi selu empréstimu.
    • Millaun $8,0 iha “Dotasaun ba Governu Tomak” hodi suporta atividade Igreja liuhosi Konferénsia Episkopál.
  • Millaun $6,0 ba Ministériu Administrasaun Estatál ba Programa Nasionál Dezenvolvimentu Suku (PNDS).
  • Millaun $6.0 ba Komisaun Nasionál Eleisaun hodi fó subsídiu ba partidu polítiku sira atu kontinua hametin demokrasia iha Timor‐Leste.
    • Millaun $5,5 ba pagamentu pensaun vitalísia.
    • Millaun $4,3 ba Ministériu Edukasaun, Juventude no Desportu hodi suporta eventu desportu no atividade juventude nian iha tinan tomak.
  • Millaun $4,0 iha“Dotasaunba Governu Tomak” ba kapitalizasaun Banku Sentrál Timor-Leste (BCTL) no atu selu sira-nia kustu serbisu ne’ebé fornese ba Governu.
    • Millaun $4,0 iha Gabinete Primeiru -Ministru ba programa sosiedade sivíl. Ida-ne’e inklui apoia ONG sira no konfisaun relijioza seluk.
    • Millaun $1,9 “Merenda Eskolar” ba Eskola privada sira.
  • Millaun $1,7 iha Sekretaria Estadu Komunikasaun Sosiál ba subsídiu Rádiu Televizaun Timor‐Leste (RTTL) no Tatoli.
  • Millaun $1,5 iha ”Dotasaun ba Governu Tomak” ba Sekretariadu g7+. Serbisu hosi sekretariadu maka atu asegura katak komunidade internasionál rona lian ka ajenda husi nasaun frájil sira (inklui Timor‐Leste).
    • Millaun $1,0 iha “Dotasaun Governu Tomak” ba re‐kapitalizasaun no pagamentu kustu serbisu Banku Nasionál Komérsiu Timor‐Leste (BNCTL).
  • Millaun $1,0 ba Sekretaria Estadu Kooperativa hodi fó subsídiu grupu kooperativa sira.
    •$800.000 iha Ministériu Edukasaun, Juventude no Desportu ba programa konsensaun eskolár (eskola privada) no eskola KAFE.
  • $800.000 iha”Dotasaun ba Governu Tomak” ba apoiu fundu internasionál. Ida-ne’e sei apoia komunidade internasionál no permite Timor‐Leste nia influénsa iha mundu.
    • $500.000 ba SEFOPE hodi finansia programa auto‐empregu. Programa ida-ne’e sei kria kampu serbisu no kontribui ba kreximentu ekonómiku.
  • $250.000 ba Sekretaria Estadu Igualdade no Inkluzaun ba kapitál rotativa ba “Feto Rurál” ho objetivu atu empodera feto iha vida negósiu.
    •$200.000 ba Sekretaria Estadu Arte no Kultura ba prezervasaun identidade kulturál.

Kapitál Menor

Despeza Kapitál Menór inklui ba veíkulu, mobiliáriu no ekipamentu móvel seluk. Orsamentu millaun $31,5 ba kategoria ida-ne’e refleta %0 aumentu kompara ho Orsamentu Jerál Estadu 2019.

Medida Prinsipál

  • Millaun $4,0 ba Ministériu Finansa atu sosa ekipamentu IT ba sentru ba data backup no mákina Raiu-X, etc.
  • Millaun $3,4 ba Ministériu Obra Públika hodi sosa transformadór, metru prepagu no equipamentu seluk.
  • Millaun $3,2 ba Ministériu Edukasaun, Juventude no Desportu hodi sosa meza no kadera ba eskola sira.
  • Millaun $1.8 ba Ministériu Defeza hodi sosa equipamentu komunikasaun, seguransa no ekipamentu seluk.
  • Millaun $1.7 ba Ministériu Saúde hodi sosa ambulánsia, karreta multifunsaun no karreta operasionál ba monitorizasaun no evaluasaun.
  • Millaun $1,3 ba Ministériu Administrasaun Estatál ba sosa Sistema Informasaun Eleisaun no ekipamentu ba PNDS.
  • $800.000 ba Polísia Nasionál Timor‐Leste atu sosa ekipamentu Seguransa no ekipamentu seluk.

Kapitál Dezenvolvimentu

Alokasaun orsamentu ba Kapitál Dezenvolvimentu iha 2020 aumentu %32,5 kompara ho 2019 nian. Ida-ne’e tanba iha aumentu ba projetu saúde, edukasaun no agrikultura. PDIM mós hetan alokasaun orsamentu ba Kapitál Dezenvolvimentu iha 2020. Foin ba dahuluk munisípiu sira hetan alokasaun orsamentu iha Kapitál Dezenvolvimentu.

Purtantu, orsamentu ba Kapitál Dezenvolvimentu iha KFTL aloka millaun $238,3 ba Fundu Infrastrutura, millaun $6,0 ba Programa Dezenvolvimentu Intregradu Munisipál (PDIM) no millaun $171,6 ba Projetu Kapitál Dezenvolvimentu seluk hosi liña ministériu no ajénsia sira.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here