Zebra Cross. Imajen/Tatoli

DILI, 15 janeiru 2020 (TATOLI) – Ema la’o ain sira preokupa ho vendedór sira ne’ebé mak fa’an produtu no sasán sira iha trotoár leten, liuliu iha aredór Farmásia Foho Osan Mean no parte W-Four ka Loja Akau nian tanba konsidera prejudika sira-nia movimentu.

Helder Andrade nu’udar pasajeiru ida preokupa ho situasaun ida ne’e tanba difikulta ema la’o ain sira.

“Ha’u husu ba autoridade kompotente atu halo kontrolu ba negosiante sira iha tempu kalan. Tanba fatin ne’e nakonu liu ona ho negosiante sira. Tempu ruma bele mosu asidente tráfiku,” Helder dehan ba Agência TATOLI aredór Farmásia Foho Osan Mean nian, tersa kalan.

Razaun, tuir nia katak estadu ka governu halo trotoar ne’e la’ós atu fa’an sasan maibé utiliza hodi la’o ain atu nune’e labele prejudika estrada públika.

Iha parte seluk, Vendedora Gabriela Noronha hateten: “Ha’u mai fa’an iha fatin ne’e tanba haree ba maluk negosiante barak mak fa’an iha fatin ne’e. Ha’u hakarak hetan rendimentu tanba fatin ne’e rame los”.

Notísia relevante:Vendedores Sira Fa’an Iha Area Lecidere

Jornalista        : Tomé Amado

Editór              : Rafy Belo

 

 

HAKEREK NO HATÁN

Please enter your comment!
Please enter your name here