Adjuntu Autoridade Munisípiu Dili, Joseé Filipe Smith. Imajen/Egas Cristovão

DILI, 14 janeiru 2020 (TATOLI)-Autoridade Munisípiu Dili, to’o inisíu 2020 seidauk  kria planu hodi aplika kobransa osan ba utilizadór hariis fatin públika (toilet-sigla inglés) ne’ebé antes ne’e  governu  konstrui ona iha área Largo-Lesidere, Kristu Rei no fatin seluk tan.

Adjuntu Prezidente Munisípiu Dili, José Filipe Ximenes Smith, hateten tanba nia parte sei kria uluk kondisaun infraestrutura no pesoál sira atu hamoos hodi garante ninia funsionamentu iha futuru.

“Agora ami sei hanoin hela oinsá mak bele kria kondisoens ida ne’ebé di’ak ba komunidade sira mak foin aplika taxa sanitáriu públiku nian ba sira atu nune’e osan hirak ne’e hodi halo fali manutensaun,”dehan, nia ba TATOLI, iha ninia servisu fatin Matadouro Dili,ohin.

Nia esplika  problema ne’ebé maka akontese dadaun ne’e sintina públika barak la funsiona tanba hetan estragus hosi komunidade sira bainhira uja la ho responsabilidade morál hodi so’e fo’er arbiru.

“Ita iha seguransa no pesoál hamoos jardín maibé sira mós servisu tuir oras maibé realidade ne’ebé mak akontese iha jardín mak ita-nia públiku sira mak la hatene utiliza sasan hirak ne’e,” katak Jeca Smith.

Tanba ne’e, Adjuntu Prezidente Munisípiu Dili, José Filipe Ximenes Smith, apela ba sidadaun hotu-hotu  atu evita so’e fo’er arbiru hodi mantein ambiente ida moos no seguru iha Kapitál Dili.

Jornalista: Osória Marques

Editór :Francisco Simões

HAKEREK NO HATÁN

Please enter your comment!
Please enter your name here