Dekanu FMCS, José Deonísio Ximenes. Imajen: Felicidade Ximenes

DILI, 07 janeiru 2020 (TATOLI)-Estudante enfermajen, Fakuldade Medisina, Siénsia no Saúde (FMCS), Universidade Nacional Timor Lorosa’e (UNTL) hamutuk na’in 95, kompostu husi feto na’in 64 no mane na’in 31 hala’o prátika durante fulan tolu iha HNGV (Ospitál Nasionál Guido Valadares).

Prátika ne’e realiza tanba bazea ba akordu entre UNTL ho HNGV, hodi forma no eduka estudante sira.

Em termos formasaun labele kompara Fakuldade Medisina, Siénsia no Saúde UNTL ho instituisaun seluk tanba UNTL públiku estadu nian. Ne’ebé, em termus de regra ne’e estabilesidu.  Banhira sira halo prátika ami iha guia ida ba sira  hodi orienta tuir saida mak ami hanorin,” dehan Dekanu FMCS, José Deonísio Ximenes perante profisionál komunikasaun sosiál sira, iha HNGV, ohin.

Akadémiku UNTL ne’e reforsa katak sira mós dehan beibeik ba estudante sira atu banati tuir regra sira tanba konsidera katak estudante sira ne’e mak futuru profisionál. Se futuru profisionál mak ita seidauk eduka agora entaun  aban bain rua liu tiha ida ne’e mak ita eduka ne’e susar ona  tanba ne’e mak sira-nia mandatu ne’e atu serbi ema.

Nia esplika: “Ami-nia eduka agora la hanesan ho sira seluk ami-nia estudante hotu ba serbi ema em termos de étika ne’e importante tanba iha ami-nia fakuldade ha’u sempre ko’alia ba estudante sira dahuluk tau aas responsabilidade morál tanba sira eskola hotu jura ba serbi ema.

Daruak, tuir akadémiku ne’e katak dedika aan hodi servisu maka’as; hanesan estudante dedika nia aan tomak no aprende buat barak para aban bainrua sai profisionál.

Datoluk, tenke hatuur integridade instituisionál aas; ezemplu hanesan mai prátika tiha iha HNGV depois lori fakuldade nia naran mai halo fo’er, ne’e labele.

Dahaat, profisionalismu; hakarak sai profisionál tenke hatudu profisionalizmu mak liu husi matenek no hahalok tanba ne’e mak liuhusi prátika.

“Ami gradua ona ema mil oito centos ital maibé to’o ohin loron seidauk halo mál pratika no serbi ema mós ho susesu. La iha ema ida mak kestiona tanba ne’e mak ha’u-nia esperansa katak sira halo pratika ne’e ho di’ak,” Dekanu José Deonísio Ximenes garante.

Serimónia entrega estudante FMCS inkluzivamente Fakuldade Enfermajen ne’e mak Diretór Finansa no Lojístika HNGV, médiku, enfermeiru no profisionál saúde HNGV seluk tan.

Jornalista    : Felicidade Ximenes

Editór          : Rafy Belo

HAKEREK NO HATÁN

Please enter your comment!
Please enter your name here