Edifisíu MNEK. Imajen/Espesiál

DILI, 06 janeiru 2019 (TATOLI)—Sekretáriu Jerál Ministériu Negósiu Estranjeiru no Kooperasaun (MNEK), Jorge Trindade Neves Camões, haktuir Komisaun Revizaun Orsamentu MNEK ba tinan 2020  hafoin OJE 2020 retira orsamentu ministériu nian redús hosi totál $28 millaun ba $25 millaun.

“Hafoin halo adjustamentu ba iha Orsamentu Jerál Estadu (OJE) 2020, hosi komisaun revizaun orsamentu MNEK nian redús ba $25 millaun. Totál orsamentu ami husu antes $28 millaun depois de halo adjustasaun tun fali ba $25 millaun maibé nesesidade ministériu nian liu oituan,” informa Sekretáriu Jerál MNEK, Jorge Trindade Neves Camões ba Jornalista sira hafoin ramata audiénsia ho Komisaun B, iha Parlamentu Nasionál, ohin.

Diplomata ne’e realsa, relasiona ho redusaun iha orsamentu iha mós programa balun ministériu nian maka sei redús maibé MNEK sujere atu PM mantein nafatin programa balun.

“Redús orsamentu iha mós redusaun ba programa lubuk ida maibé ami sujere atu mantein nafatin  programa balun maka hanesan viajen estranjeiru, carros instalasaun, vendas propriodade, konbustível, despeza operasionais, pontu serbisu diversi, asistente tékniku ba funsionáriu lokais no asesores balu iha MNEK nia laran. Sira ne’e hotu, ami husu atu nune’e bele mantein,” nia dehan.

Entretantu, nia informa, orsamentu ba rekrutamentu diplomata foun sira mantein maibé prevee ba segundu semester tinan ida ne’e nian tanba ne’e la afetadu.

Jornalista : Nelia Borges

Editór         : Rafy Belo

HAKEREK NO HATÁN

Please enter your comment!
Please enter your name here