DILI, 19 dezembru 2019 (TATOLI)-Governu liuhusi Ministériu Solidariedade Sosiál no Inkluzaun (MSSI), ohin, festeja natal hamutuk ho prizioneiru nain 573 iha Prizaun Becora, Dili.
Festa Natal ho dadur sira ho tema “Kontente ho família” lidera husi Diretór Jerál MSSI, Rui Manuel Gago Exposto, atu oinsá hatudu governu nia sentidu solidariedade profunda nu’udar umanu atu dadur sira la bele sente mesak.
Rui Manuel Gago Exposto hateten, programa nee, la’ós foin mak hala’o iha tinan ida nee, maibé kada tinan sempre hala’o nu’udar papél ida husi MSSI.
Iha Kuarta (18/12/2019), MSSI selebra uluk ona ho prezu 70-resin iha Prizaun Suai no iha Sesta (20/12/2019) sei selebra hamutuk ho prezu sira iha Prizaun Gleno.
Diretór Nasionál Estabelesimentu Prizaun Becora, João Domingos, apresia ho MSSI ne’ebé kada tinan sempre festa Natal hamutuk ho dadur sira iha prizaun tolu.
Jornalista : Domingos Piedade Freitas
Editór : Francisco Simões
