Ministru Estadu no Ministru Prezidénsia Konsellu Ministru, Hermenegildo Augusto Cabral Perreira. Imajen Tatoli/Cipriano Colo

DILI, 18 dezembru 2019 (TATOLI)–Liuhusi reuniaun estraordinária Konsellu Ministru (KM), ohin, aprova nomeasaun Kay Rala Xanana Gusmão nu’udár reprezentante espesiál Governu ba “Ekonomia Azúl”.

Proposta rezolusaun Governu ne’e aprezenta husi Primeiru-Ministru (PM), Taur Matan Ruak, iha Palásiu Governu, Dili.

Hafoin Reuniaun Konsellu Ministru, Ministru Estadu no Ministru Prezidénsia Konsellu Ministru, Hermenegildo Augusto Cabral Perreira hateten pozisaun Kay Rala Xanana Gusmão nian atu fó advokasia no apoia iha nível nasionál no internasionál kona-ba kreximentu Ekonomia Azúl iha Timor-Leste.

“Pozisaun ida-ne’e nian objetivu maka fó advokasia no apoia iha nível nasionál no internasionál kreximentu Ekonomia Azúl iha Timor-Leste, oinsá uza ho didi’ak rekursu oseániku sira hodi hasa’e ekonomia, ne’ebé aprezenta oportunidade barak tebes ba Timor-Leste ninia dezenvolvimentu sosiál no ekonómiku”, Agio esplika ba mídia.

Ekonomia Azúl nu’udar konseitu foun no abordajen ida atu halo promosaun ba kreximentu ekonomia marítima no valoriza rekursu sira.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here