Enkontru entre MESSK ho Konsellu reitór sira. Imajen: Nelia Borges

DILI, 10 novembru 2019(TATOLI)-Ministru Ensinu Superiór Siénsia no Kultura (MESSK) Longuinhos dos Santos hala’o enkontru ho Konsellu Reitór sira hosi instituisaun ensinu superiór  hamutuk 14 hodi ko´alia kona-ba polítika nasionál MESSK nian ba tinan oin mai.

“Asuntu importante hosi enkontru ne’e atu valida rejimentu Konsellu Reitór sira no aprezenta  primeiru karta polítika nasionál Ministériu Ensinu Superiór nian katak ida ne’e sai hanesan matadalan ba MESSK nian atu lao tuir,” Informa Ministru Longuinhos ba jornalista sira hafoin remata enkontru iha salaun MESSK, ohin.

Iha enkontru ne’e, ministru mós realsa polítika MESSK ne’e forma nu´udar guia atu mellora kualidade ensinu superiór nian.

“Oinsa atu mellora kualidade ensinu superiór, maka ita kria polítika ida sai hanesan guiaun ne’ebé akumula hanoin hosi reitór hotuhotu, hosi prezidente ensinu superiór hothotu atu bele reforma ensinu superiór ba tinan oin nian,” haktuir Ministru Longuinhos.

Iha biban hanesan, Ministru akresenta tan Planu prioridade MESSK ba tinan 2020 iha 10.

“Planu prioridade iha 10, maibé fahe ba rua, nune’e ha’at ba arte no kultura ne’en ba ensinu superiór nian, ne’en ba ensinu superiór ne’e maka infraestutura, polítika ensinu superiór, implementasaun kurríkulu padraun Minimu, reforsa instituisaun siénsia no teknolojia no mós reforsa Instituisaun teknolojia Betano.” tenik governante ne’e.

Entretantu partisipa iha reuniaun ne’e maka konsellu reitór sira hosi instituisaun privadu no públiku iha Timor-Leste hamutuk 14, UNTL la marka prezensa.

Jornalista        : Nelia Borges

Editór              : Rafy Belo

HAKEREK NO HATÁN

Please enter your comment!
Please enter your name here