Xefe Departamentu Jestaun Merkadoria Guarda Munisípiu Dili, Berta Santa Gonçalves Vieira. Imajen/Egas Cristovão

DILI,04 dezembru  2019 (TATOLI)-Xefe Departementu Merkadória Munisípiu Dili, Berta Santa, informa dadaun ne’e, nia parte prepara ona fatin  faan roupa ba negosiante hodi faan sira-nia produtu iha área eis kuartél jenerál Caicoli Dili iha ámbitu preparasaun loron boot natal no tinan foun.

Munisípiu Dili hasai desizaun ne’e,   atu oinsa evita vendedor sira   labele kontinua faan sira-nia roupa no sasan seluk tan  iha trotoar leten área Colmera, Audian no Merkadu Colmera.

“Ami haruka sira ba iha eis keuangan ka eis kuartél jenerál F-FDTL Caicoli, Dili (Tribunal Rekursu oin). Maibé ami sei konfirma lai ho parte  Autoridade Postu Administrativu Vera Cruz Munisípiu Dili,”katak,   Berta Santa ba TATOLI iha ninia servisu fatin Mascarenhas ohin.

Iha 2019, hasai ona desizaun hodi la fó autorizasaun ba negosiiante atu faan sasan iha fatin públiku sira hodi evita engrafamentu.

 “Faan iha Colmera tinan dala ida maibé ami la autoriza negosiante sira atu faan sasan tanba fatin ne’e dalan públiku hodi ema halo movimentu,”tenik tan.

Atu halo kontrola diak liután maka dadaun ne’e, Munisípiu Dili koloka ona pesoál sira bá iha área Audian no Merkadu Comoro.

Berta Santa, realsa tan bainhira negosiante sira la kumpre regra ne’e maka Jestaun merkadória Dili sei halo aprensaun.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here