eitór UNPAZ eleitu, Adolmando Soares Amaral. Foto TATOLI: Tomé Amado

DILI, 29 novembru 2019 (TATOLI)-Instituisaun Akadémika Privada, Universidade da Paz (UNPAZ) tuir planu  iha 30 dezembru 2019 sei gradua estudante finalista purvolta 1.589.

“Liuhusi reuniaun senadu universidade, reitór ho dekanu fakuldade sira ba graduasaun tinan ida ne’e, Universidade da Paz sei lori estudante purvolta 1589 naran haruka ona ba Ministériu Ensinu Superiór Siénsia no Kultura para depois atu públika iha Jornál Repúblika,” informa Reitór UNPAZ, Adolmando Soares Amaral ba Ajénsia TATOLI, iha nia kna’ar fatin Osindo I Manleuana Dili, Timor-Leste, ohin.

Reitór UNPAZ hatutan, graduasaun loloos no data fiksu ona, karta haruka ona ba Ministériu Edukasaun. “Ami sei fó gradua ba finalista provolta 1589 iha 30 dezembru 2019”.

Tuir dadus ne’ebé Jornalista TATOLI asesu, husi fakuldade neen estudante ne’ebé atu partisipa graduasaun iha 30 dezembru 2019, hamutuk 1589 kompostu husi feto 824 no mane 765.

Entertantu, Fakuldade neen atu partisipa graduasaun tinan ne’e hanesan Fakuldade Ekonomia ho departamentu hanesan Departamentu, Jestaun, Kontabilidade, Bankaria. Fakuldade Direitu ho departamentu hanesan departamentu, Siénsia Direitu,

Tuir mai, Fakuldade Siénsia Sosiál no Umana ho departamentu hanesan Departamentu Relasaun Internasionál, Politíka Dezenvolvimentu, Estudu Kona-ba Paz.

Fakuldade Saúde Públika ho departamentu hanesan Departamentu Siénsia Saúde Públika no Fakuldade Enjeñaria ho departamentu hanesan Departamentu Arkitektura, Indústria, Konstrusaun Sivil.

Enkuantu, Fakuldade Teknolojia Agrikultura ho departamentu hanesan Departamentu Teknolojia Prosesamentu Alimentár, Konservasaun Rekursu Naturál. “Husi fakuldade no departamentu ne’e fiksu ona partisipa graduasaun, tinan ne’e,” konfirma Reitór UNPAZ, Adolmando Soares Amaral.

Jornalista : Nelia Fernandes

Editór        : Rafy Belo

HAKEREK NO HATÁN

Please enter your comment!
Please enter your name here