Diretór Nasionál Transporte Terrestre, Natalino do Rosário. Imajen Tatoli/Joanico de Araújo

DILI, 25 novembru 2019 (TATOLI)–Diretór Nasionál Transporte Terrestre, Natalino do Rosário hateten, tinan oin, 2020, sira-nia parte sei aplika tan semáforu (lampu merah) tolu iha Dili laran nune’e bele hamenus engarrafamentu.

“Fatin tolu ne’e maka, ida iha rotunda Elemloi, kruzamentu Audian (klínika Foho Osan Mean nia oin) no ida iha kruzamentu Kuluhun nian,” Natalino tenik ba Agência Tatoli iha nia knaar fatin, Balide, Dili, segunda ne’e.

Aleinde ne’e, nia dehan, parte Diresaun Nasionál Transporte no Terestre (DNTT) mós kria ona sentidu úniku ba estrada balun iha Dili.

“Hanesan ita hotu hatene, uluk iha estrada Bidau nian ne’e,  sentidu rua. Maibé, ita muda tiha ba sentidu úniku iha ne’ebé la’o kapa’as tebes. Agora ba tan iha Bairru- Pité mós hanesan. Ita muda ona ba sentidu úniku. Buat hotu la’o kapa’as tebes. Se lae, loraik ne’e aat liu. Ema fa’an tan iha estrada ninin halo engarrafamentu mosu maka’as tebes. Iha Ministériu Justisa nia oin ne’e mós ami muda hotu ba sentidu úniku,” Diretór ne’e haktuir.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here