Komisariu KFP, José Telo Soares Cristovão. Imajen/Domingos Piedade.

DILI, 22 novembru 2019 (TATOLI) – Komisáriu Komisaun Funsaun Publika (CFP-sigla portugés) ba Portfolio Forsa  Traballu, Formasaun no Sigap, José Telo Soares Cristovão, ohin, informa, Rejiaun Administrativa Espesiál Oe-Cusse  Ambeno (RAEOA) no Zona Ekonomia Espesiál Sosiál Merkadu (ZEESM) goza autonomia mais extensiva.

Ha’u hanoin RAEOA sei sai hanesan referénsia ida bainhira ita atu aplika podér lokál ne’e ba munisípiu seluk. Maibé, nia seidauk iha órgaun podér lokál ne’ebé eleitu diretu hosi povu,” esplika José Telo Cristovão, ohin, hodi responde TATOLI, liuhosi mensajen WhatsApp.

Nia hatutan, RAEOA mós la’ós independente tanba administrativamente tutela hela ba Governu sentrál, RAEOA mós labele halo lei, so bele hasai deliberasaun de’it.

José Telo esplika kona ba lei nu.3/2014 altera ho Lei nu.9/2018 no Dekretu Lei nu.5/2015 atribui ona kompeténsia jestaun rekursu umanus hanesan: remunerasaun, rekrutamentu, mobilidade maibé RAEOA sei koopera nafatin ho KFP.

RAEOA mós bele emite regulamentu kona-ba kriasaun servisu no kargu. Maibé oras ne’ e RAEOA seidauk iha estrutura orgánika klaru ho estrutura salariál.

Nia dehan, presiza iha rekursu umanu nune’e bele identifika poténsia rekursu umanu para bele utiliza matenek Timor-oan sira hodi dezenvolve munisípiu ho meius oi-oin, inklui meius dijitalizasaun.

Jornalista : Domingos Piedade Freitas

Editór       : Francisco Simoes

HAKEREK NO HATÁN

Please enter your comment!
Please enter your name here