Komandante PNTL Munisípiu Lautem, Superintendente Asistente Sebastião Alves Quintão. Imajen/Nelson de Sousa

LOSPALOS, 21 novembru 2019 (TATOLI)-Komandu Polisia Nasionál Timor-Leste Munisipiu Lautem presiza kazerna ba membru sira atu hodi hela.

Notísia Relevante :Númeru Kazu Krime iha Lautém Menus

“Iha governasaun anteriór nian harii ona uma kazerna 10 ba PNTL Lautem,  maibé la to’o tanba ne’e presiza aumenta tan,” informa  Komandante PNTL Munisípiu Lautem, Superintendente Asistente Sebastião Alves Quintão, ba TATOLI iha salaun Administrasaun Munisípiu Lautem iha Lospalos vila, kuarta (20/11/2019).

Ba preokupasaun ne’e, Sebastião Alves Quintão, hato’o ona proposta ba Komandu Jerál PNTL hodi aposta iha planu orsamentu Estadu tinan fiskál 2020 nian.

PNTL Lautem iha membru efetivu na’in 156. Hosi númeru ne’e balun  koloka ba eskuadra PNTL postu administrativu lima  hanesan Iliomár, Lautem, Lospalos, Luro no Tutuala no  Ofisiál  Polisiamentu Suku (OPS) ba suku 34.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here