Defensoria Públika Jerál, Câncio Xavier, lee termu juramentu iha serimonia tomada pose iha Palásiu Governu. Imajen/António Goncalves

DILI, 20 novembru 2019 (TATOLI) – Defensoria Públiku Jerál presiza tan veíkulu operasionál hitu iha tinan 2020 hodi bele apoia servisu iha nivel nasionál to’o munisípiu.

Notísia Relevante : DP Sei Loke Tan Rezidénsia iha Munisípiu Lima

Defensór Públiku Jerál, Câncio Xavier, ohin, informa ba TATOLI liuhosi komunikasaun WhatsApp katak, iha orsamentu jerál  estadu tinan 2019 Governu liuhosi Ministériu Justisa oferese karreta rua mak total veíkulu hamutuk sia  atuál tanba ne’e presiza tan hitu.

Câncio esplika, defensoria públika presiza karreta tanba halo servisu ne’ebé diferente no signifikativu tebes kompara ho Tribunais no mós Ministériu Públiku.

Durante ne’e, ajente defensoria públika sira hala’o servisu hanesan julgamentu móvel, julgamentu sumáriu, julgamentu primeiru interrogatóriu, vizita prizaun sira, vizita sentru detensaun iha polisia, tuir dilijénsia iha Ministériu Públiku, prokuradoria jerál iha seksaun kombate korrupsaun no sentru detensaun PCIC.

Nia salienta liu tan, ajente sira halo atendimentu públiku iha defensoria públika, halo kontestasaun krime e sivíl, rekursu administrativu, rekursu judisiál krime, sivíl  no administrativu, propor asaun sivíl, halo mediasaun, konsiliasaun no arbitrajen, julgamentu ba kazu tribunal kontas.

Ho  atividade ne’ebé maka’as uitoan maibé tuir polítika Governu iha OJE tinan 2020 la prevee orsamentu ba kapitál menór ba sosa veíkulu ho razaun atividade sira ne’ebé iha, no mós karreta sira ne’ebé iha kustu manutensaun boot liu, halo alargamentu ba delegasaun iha Ermera no Maliana.

“Ami presiza tebes hetan tulun atu bele hetan orsamentu adisionál atu bele fasilita transporte hodi fó apoiu iha distritu sira no mós iha Dili,” hateten Câncio Xavier.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here