Manuál inspesaun. Imajen:Tomé Amado

DILI , 19 novembru 2019 (TATOLI) – Ministėriu Edukasaun, Juventude no Desportu (MEJD) liuhusi IGED-Inspesaun Jerál Edukasaun (sigla portugés) lansa ona livru Manuál Inspesaun Eskolár edisaun dahuluk atu apoiu servisu superintendente no inspetór eskolár sira nian hodi hametin liután kualidade no jestaun iha eskola sira.

Manuál ida ne’e nu’udar matadalan ka modelu ida hodi ejize ba funsionáriu eskola sira mak hanesan superintendente no inspetór atu responsabiliza ba dezempeñu no atetude profesionál.

Diretór Jerál MEJD, Evaristo Maria de. Jesus hateten, objetivu jodi kria manuál ne’e atu fó matadalan operasionál ba superintendente no inspetór sira oinsá atu implementa inspesaun iha eskola sira. Manuál ne’e nu´udar baze ba dezenvolvimentu profesionál ba superintendente no inspetór eskolár.

Nia dehan, manuál ne’e mós nu´udar referénsia ba planeamentu operasionál no hato’o relatóriu ba atividade inspesaun eskolaár. Inklui, fó instrumentu hodi asegura responsabilidade ba dezempeñu no atetude profesionál. Manuál ne’e rasik sei kobre ba xave inspesaun 10 mak hanesan kualidade hanorin no aprendijazen, disiplina profesór, jestaun finansa eskolár, administrasaun eskolár, Asosiasaun inan-aman.

Nune’e mós infrasteutura, ensinu rekorrente, edukasaun inkluziva, lisensiamentu no akreditasaun inklui infrastrutura iha eskola sira. Tan ne’e superintendente no inspetór sira tenke simu ho didiak manuál ida ne’e.

“Ha’u haksolok tebes hodi aprezenta manuál revizaun ida ne’e atu husu ba superintendente no inspetór eskolar sira bele utiliza hodi halo sira nia kna’ar inspetivu eskolár nia ho di´´ak”, friza nia iha serimonia lansamentu Manuál Inspesaun Eskolár iha Timor Plaza, tersa (19/11/2019).

Entertantu, manuál ne’e rasik antes ne’e iha tiha ona. Ne’e duni iha 2012, loloos ne’e IGED iha planu atu halo revizaun ba manuál 2009 nian maibé la konsege tanba problema finanseiru. Maibé, depois liu tiha tinan lima, 2017, IGED liuhusi parseiru husi Nova zel´sndia ho programa HANDS no ALMA husi Austrália bele hahú revizaun ne’e iha tinan ikus 2017. Liu tiha tinan rua iha loron 1 outubru 2019 ofisialmente revizaun Manuál Inspesaun Eskolár ne’e hetan aprovassun husi Ministra Edukasaun, Juventude no Desportu, Dulce de Jesus Soares.

Jornalista :Tomė Amado

Editór      : Rafy Belo

HAKEREK NO HATÁN

Please enter your comment!
Please enter your name here