Serimónia asina Mou entre INCT ho LIPI. Imajen: Nelia Borges

DILI,18 Novembru 2019(TATOLI)– INCT (Institutu Nasionál Siénsia no Teknolojia, sigla portugés) asina Memorandu Intendimentu (MoU) ho LIPI (Lembaga Ilmu Pengetahuan Indonesia) ho motivu atu halo kooperasaun iha área investigasaun sientífika.

Ministru Ensinu Superiór, Siénsia no Kultura, Longuinhos dos Santos. Imajen/TATOLI

Ministru Ensinu Superiór Siénsia no Kultura (MESSK), Longuinhos dos Santos informa INCT asina akordu ho LIPI atu bele haree saida maka bele sai nu´udar sumbriña peskiza ida iha Timor-Leste (TL).

“Akordu ida ohin ne’e hodi halo kooperasaun iha área investigasaun tanba LIPI instituisaun ida iha Indonésia ne’ebé akreditada aas tebes tanba ne’e maka ita serbisu hamutuk ho Governu Timor-Leste liuhosi diresaun no INCT atu haree saida maka hanesan peskiza akadémika ka sai hanesan peskiza akadeémika ka sombriña ida iha Timor-Leste,” Ministru Longinhos hateten ba jornalista sira ohin hafoin remata asina MoU, iha ambitu komemorasaun loron mundiál siénsia iha salaun Ian Martin, Balide, ohin.

Tuir ministru katak INCT nu´udar sentru peskiza ba akadémika no ensinu superiór sira hotu nune’e governu liuhosi ensinu superiór bele dezenvolve no halo inovasaun ba INCT.

“Tanba ne’e maka governu liuhosi Ministiériu Ensinu Superiór Siénsia no Kultura atu bele dezenvolve no halo inovasaun liuliu ba iha INCT ne’e sai hanesan sentru peskiza ba akadémika liuliu, ensinu superiór privadu no públika sira tanba hun husi akadémika maka peskiza”.

Enkuantu, Profesór Hery Harjono hateten, liuhosi kooperasaun ne’e, TL bele haruka foinsa´e timoroan sira hodi bele ba aprende hamutuk ho sira. “Liuhosi MoU ne’e INCT bele haruka foinsa´e timoroan sira hodi ba hamutuk ho ami iha ami-nia laboratóriu sira hotu iha Indonézia iha área hotu-hotu, iha Biolojia, Bio-teknolojia, Enjiñaria no seluk tan”.

Iha biban hanesan profesór LIPI ne’e hateten, ekonomia la dezenvolve sein teknolojia no inovasaun.

Notísia relevante:TL Hakarak Reforsa Relasaun Ho CPLP, Austrália No Indonézia Konstrui Sistema Nasionál Siénsia-Teknolojia

Jornalista: Nelia Borges

Editór      : Rafy Belo

HAKEREK NO HATÁN

Please enter your comment!
Please enter your name here