Diretora Jerál Prestasaun Saúde, Odete Viegas da Silva. Imajen/Felicidade Ximenes

DILI,08 novembru 2019 (TATOLI)-Diretora Jerál Prestasaun Saúde Odete Viegas da Silva hateten, osan ne’ebé aloka husi Ministeriu Saúde (MS) hodi haruka ba pasiente sira ne’ebé hala’o tratamentu saúde iha Indonézia kada loron, ema-ida hetan 10 dolár amerikanu (USD).

Tanba adidu saúde iha Indonésia mós iha no mós iha Bali, osan ne’ebé transfere ba pasiente sira ba tama iha konta bankária adidu nian depois adidu foti entrega ba pasiente sira tanba osan ba tarde entaun sira kestiona no mós osan ne’e seidauk too iha pasiente nia liman.

“Maibé osan ne’e haruka ona ba espera katak sira idaidak hetan ona sira-nia bukae hodi moris nian,” hateten Diretora jerál Odete viegas da Silva ba jornlaista sira bainhira remata lansamentu livru estratejia finansiamentu saúde ba Timor-Leste iha salaun José Casimiro, Universidade da Paz (UNPAZ), ohin.

Nia esplika, informasaun saida de´it mak jornalista sira eh publika rona ne´e loos tanba tarde ba pagamentu sira ne’e mak familia pasiente sira kestiona maibé foin daudauk ne’e orsamentu sira ne’ebé atu haruka ba pasiente sira ne’e haruka ona ba no meius komunikasaun mak seidauk to´o iha sira.

“Ha’u mós uluk ba enkontru ho pasiente sira no sira kestiona problema ne’e maibe ita-boot sira hatene prosesu orsamentu ne’e mak dalaruma husi Ministeriu Saúde rasik mós iha birokrasia naruk maibé ami konsege rezolve ona no mós tan presenza adidu nian iha indonésia”.

“Se osan laiha adidu mós buka meius oinsá para rezolve problema ida ne’e tanba ne’e mak presenza adidu iha Indonézia atu haree ba asuntu ida ne’e,” klarifika Diretora Jerál Prestasaun Saúde ne´e.

Nia dehan, ita mós iha konsuladu para atu haree pasiente sira la´ós ita atu ba empresta ema ruma nia osan ne’e la´ós dalaruma osan ne’e mak atrazu, prosesu mekanizmu finansas iha ne’e mak tarde oituan.

“Tanba ne’e mak ha’u fiar katak maneira atu ko’alia oinsá problema ne’e rezolve lalais ha’u sente katak ema ida sei la bele mate tanba de´it hahan la iha maibé ne’e atu alerta nafatin mai iha Ministeriu Saúde katak asuntu sira ne’e seriu para rezolve,” garante Diretora Jerál Prestasaun Saúde,Odete Viegas.

Antes ne´e, família pasiente balun iha Indonézia preokupa tanba osan la iha atu halo tratamentu no mós aguenta moris iha Indonézia tanba kestaun finanseiru.

Jornalista: Felicidade ximenes

Editór      : Rafy Belo

HAKEREK NO HATÁN

Please enter your comment!
Please enter your name here