Juiz Administradór ein-funsaun Tribunal Distritál Dili (TDD), Juiz Afonso Carmona. Imajen/Domingos Piedade Imajen/Domingos Piedade

DILI, 22 outubru 2019 (TATOLI) – Juiz Administradór ein-funsaun  Tribunal Distritál Dili (TDD), Afonso Carmona, ohin, informa, nia parte simu karta husi Prezidente Tribunal Rekursu (PTR), Deolindo dos Santos, atu aselera serbisu ba prosesu kazu sivíl iha TDD.

Afonso Carmona, hateten, konteúdu karta PTR nian ne’e husu ba TDD atu prosesa lalais kazu sivíl hodi fahe ba faze rua mak hanesan, primeiru faze  hosi setembru too dezembru 2019 no faze segundu mak hosi janeiru too marsu 2020.

Oras nee daudaun, Juiz Afonso Carmona, sei serbisu hamutuk ho juiz sira seluk, atu haree planu ne’ebé mak di’ak atu aselera kazu sivíl tuir rekomendasaun Prezidente Tribunal Rekursu.

Foin daudaun iha rotasaun serbisu juiz hosi munisípiu mai nasionál no nasionál ba munisípiu mak sei haree fali oráriu sira atu halao serbisu di’ak liu tan.

Hatán kona númeru juiz hodi aselera serbisu iha TDD, nia parte lia tun dehan, númeru sufisiente atu hala’o serbisu iha TDD hanesan rekomendasaun hosi Prezidente Tribunal Rekursu.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here