Ministra Dulce de Jesus Soares halo abertura ba fisa avalisaun ezame nasionál. Foto TATOLI: Tomé Amado

DILI, 22 outubru 2019 (TATOLI)- Ministériu Edukasaun, Juventude, Desportu (MEJD) hahú halo korresaun ba rezultadu ezame nasionál hodi konfirma dadus loloos kona-ba totál estudante hira mak  partisipa iha ezame nasionál, ne´ebé realiza iha segunda-feira (14/10) liubá.

Ministra Edukasaun, Juventude no Desportu, Dulce de Jesus Soares  halo ona abertura ba prosesu korresaun ezame nasionál hodi fó espasu ba ekipa sira atu verifika folla ezame nasionál hira mak tama ona.

“Agora ita seidauk hatene estudante na’in hira mak tuir no na’in hira mak la tuir ezame maibé liuhusi prosesu korresaun ne’e ita bele identifika,” hateten Ministra Dulce de Jesus Soares ba jornalista sira iha salaun koresaun Ezame Nasionál MEJD Vila Verde, segunda (22/10/2019).

Nia dehan kada tinan númeru estudante sempre sa’e tan ne’e  normalmente rezultadu koresaun ne’e presiza tempu semana rua maibé dala barak MEJD sempre hasoru obstákulu tanba tenke hein substituisaun ezane nasional husi estudante sira ne’ébé tuir fali iha segunda faze.

Agora data publikasaun husi rejultadu ezame nasionál nian seidauk termina maibe kuandu prosesu hotu loos ona, fulan dezembru tinan ne’e bele publika ona ninia rezultadu ba territóriu tomak.

Notísia relevante:MEJD Hahú Distribui Pontus Ezame Nasionál

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here