Embaixadór Austrália iha Timor-Leste, Peter Llewilyn Roberts. Imajen Tatoli/Cipriano Colo

DILI, 21 outubru 2019 (TATOLI)–Austrália fiar katak Timor-Leste ho Repúblika Indonézia sei hetan solusaun ba problema fronteira terrestre tanba Austrália konfia Timor-Leste ninia esperiénsia negosiasaun ne’ebé durante ne’e iha ona.

“Ha’u fiar Timor-Leste (TL) iha esperiénsia barak tanba halo ona negosiasaun ho Austrália kona-ba fronteira marítima no ha’u hein katak sei hetan solusaun di’ak ba fronteira terrestre ho Indonézia”, asuntu ne’e hato’o hosi Embaixadór Austrália iha Timor-Leste, Peter Llewilyn Roberts, hafoin hasoru malu ho Prezidente Repúblika (PR), Francisco Guterres Lú Olo, iha Palásiu Prezidente Nicolau Lobato, Bairru Pité, ohin.

Molok ne’e, Vise Prezidente Parlamentu Indonézia, Fadli Zon, bainhira hala’o vizita mai Timor-Leste iha fulan kotuk, ko’alia mós kona-ba oinsá aselera prosesu negosiasaun ba fronteira terrestre ho Indonézia iha tempu badak.

Jornalista: Cipriano Colo
Editór: Xisto Freitas

HAKEREK NO HATÁN

Please enter your comment!
Please enter your name here