Adidu Defeza Portugál, Koronél Delfim das Dores entrega lembransa Estatua Nossa Señora ba Xefe Estadu Maiór Jenerál FALINTIL-FDTL, Majór Jenerál Lere Anan Timur. Imajen/F-FDTL

DILI, 16 outubru 2019 (TATOLI)-Adidu Defeza Portugál, Koronél Delfim das Dores,  despede Xefe Estadu Maiór Jenerál FALINTIL-FDTL, Majór Jenerál Lere Anan Timur hodi termina ninia misaun servisu iha Timor-Leste.

Liu husi enkontru ne’ebé hala’o iha Kuartél Jenerál F-FDTL, Fatuada, Dili, tersa (15/10/2019), Majór Jenerál Lere Anan Timur hato’o agradese ba Koronel Delfim, ne’ebé reprezenta Estadu Portugál hala’o misaun di’ak tebes hodi koopera ho Komandu F-FDTL.

Lere dehan, Timor-Leste no Portugál sei kontinua servisu hamutuk tuir akordu kooperasaun ne’ebé Estadu  rai rua  hala’o ona.

Koronél Delfim termina ona nia mandatu nu’udar Adidu Defeza Portugal nian mai Timor-Leste ne’ebé remata ona iha tinan ida ne’e.

Antes atu fila, Adidu Defeza Portugál  ne’e, entrega hela lembransa Estátua Nossa Señora ida ba Xefe Estadu Lere Anan Timur, no Komandante Lere mós entrega hikas ba Amu Kapelaun F-FDTL, Tenente Rui Gomes, nu’udar sinál salvasaun ida hodi hametin nafatin amizade entre país rua ne’e liu-liu iha área militár ninian.

Jornalista : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here