Administradór Postu Administrativu Balibo, Rosário Gonçalves. Imajen TATOLI/Evaristo Soares Martins

BALIBO, 15 outubru 209 (TATOLI)–Maioria Populasaun iha Postu Administrativu Balibo, Munisípiu Bobonaro, asesu ona elétrika.

“Prosesu dezenvolvimentu iha área eletrisidade nian la’o di’ak, tanba populasaun hosi suku lima (5) asesu ona. Hela de’it Suku Cova mak seidauk”, Adminstradór Postu Balibo,  Rosário Gonçalves, ba Agência TATOLI,  iha Balibo, tersa ne’e.

Postu Administrativu Balibo kompostu suku 6 no aldeia 27 ho totál populasaun rihun 18 resin.

Suku neen ne’ebé asesu ona elétrika mak hanesan Balibo Vila, Batugade, Leohitu, Leolima no Saniri.

Nia dehan, suku Cova ne’ebé seidauk asesu elétrika posibilidade tinan oin bele asesu.

Administradór Postu Balibo ne’e rekoñese prosesu dezenvolvimentu iha área elétrika la’o avansu di’ak iha territóriu nasionál.

“Ne’e ita haree iha territóriu nasionál asesu ona elétrika. Ida-ne’e ita tenke rekoñese susesu Governu nian iha área eletrisidade”, Rosário subliña.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here