Lansamentu Livru Lei Umanitáriu Internasionál Iha Timor- Leste no Tinan 70 Konvensaun Jenevra. Imajen/TATOLI

DILI, 15 outubru 2019 (TATOLI) – Prezidente Parlamentu Nasionál (PPN), Arão Noé de Jesus da Costa Amaral, hateten membru Parlamentu Nasionál (PN) hotu tenke hatene didi’ak regra iha Livru Lei Umanitáriu tanba livru-ne’e aplikável iha Timor-Leste.

PPN ko’alia asuntu ne’e, iha biban lansamentu Livru Lei Umanitáriu iha PN, tersa ne’e.

“Iha pájina 31 iha livru ida-ne’e ko’alia katak membru Parlamentu sira bele promove respeitu ba Lei Umanitáriu Internasionál”, tenik Arão Noé.

Tuir Deputadu Bankada CNRT ne’e, livru ne’e bele fó biban ba deputadu hotu iha Parlamentu atu foti desizaun ruma ho kuidadu.

Tanba ne’e, iha ninia diskursu, PPN konfesa katak lansamentu ba livru ne’e importante tebes no nune’e ba oin PN no CVTL sei halo’o kooperasaun di’ak liután.

“Parlamentu Nasionál sempre suporta kualkér atividade ne’ebé fó benefísiu ba povu Timor-Leste. Ha’u espera katak iha futuru kooperasaun Parlamentu Nasionál ho Cruz Vermelha Timor-Leste bele la’o di’ak liután atu lori moris di’ak ba povu no nasaun ida-ne’e”, nia akresenta.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here