Diretóra Jéral Asuntu ASEAN Ministériu Negósius Estranjeirus no Kooperasaun (MNEK), Milena Rangel. Imajen/Tatoli

DILI, 09 outubru 2019 (TATOLI)-Ministeriu Negosiu Estranjeiru no Kooperasaun (MNEK), ohin, hala’o workshop ho liña ministeriál, iha ámbitu, hodi ko´alia kona-ba apoiu dezenvolve polítika ba polítika seguransa no elementu krítiku sosiu-kulturál komunidade-Konvensaun ASEAN ba kounter terorizmu no akordu ASEAN ba protesaun no promosaun traballadór migrante.

“Ohin, ko’alia kona-ba elementus krítika ba adezaun, bazeia ba pilár Blue Print ne’ebé ASEAN ne’e iha, depois Ministériu Negósiu Estranjeiru no Kooperasaun ho mós parseiru sira tenta dezenvolve elementu krítika ne’ebé ita identifika hanesan elementus importante sira ba nia implementasaun ou ita atu complains ho rekezitu ne’ebé ASEAN nia laran,” hateten Diretora Jerál Asuntu ASEAN, Milena Rangel ba jornalista sira bainhira partisipa iha Workshop iha edifísiu MNEK, Praia dos Coqueiros Dili, ohin.

“Ita só bele konvida setor sira ne’ebé relevante hala’o serbisu hela mak bele fó hatene ba ita katak iha preparasaun parte ida ne’e to’o iha ne’ebé. Preparasaun parte seluk to’o ona iha ne’ebé, ne’ebé Ministériu Negosiu Estranjeiru hanesan koordena de’it atividade ida ne’e ba hala’o preparasaun téknikus nian,” reforsa diretora ne´e.

Oradór sira ba workshop ne´e mai husi Organizasaun Internasionál ba Migrasaun (IOM-sigla portugés) reprezenta husi Xefe Misaun ba Protesaun no Promosaun ba Direitu Traballadór Migrante, SEFOPE (Sekretáriu Estadu Formasaun Profisionál no Empregu), Ministériu Justisa (MJ) reprezenta husi Diretór Nasionál ba Asuntu Legál, Nelinho Vital.

Inklui mós, MRLAP (Ministériu Reforma Lejislativa no Asuntu Parlamentár), MSSI (Ministériu Solidariedade Sosiál no Inkluzaun), PCIC (Polísia Sientífika no Investigasaun Kriminál-sigla portugés) husi MJ no husi parte Ministériu Interiór (MI), Polísia Nasionál Timor-Leste (PNTL).

Partisipante iha workshop ne´e alende liña ministeriál sira inklui mós pilár tolu ASEAN hanesan Ekonomia, Sosio-kultura no mós Polítika ho Seguransa. Entretantu, atividade realiza durante loron rua, hahú ohin no sei ramata aban.

Notísiarelevante: https://www.asean2019.go.th/en/infographic/from-asean-economic-community-blueprint-2015-to-2025/

Jornalista : Nelia Fernandes

Editór         : Rafy Belo

HAKEREK NO HATÁN

Please enter your comment!
Please enter your name here