Ministru Ensinu Superiór, Siénsia no Kultura, Longuinhos dos Santos. Imajen/TATOLI

DILI, 9 outubru 2019 (TATOLI) – Atu harii Sidade Universitáriu iha Munisípiu Alileu, daudaun ne’e prosesu la’o hela. Governu sei halo koordenasaun ho autoridade lokál no komunidade afetadu ba rai ne’ebé atu harii universidade refere.

“Levantamentu rai agora ita la’o hela iha faze diskusaun. Ita nafatin la’o no kontinua halo diskusaun kle’an ho autoridade lokál no komunidade ne’ebé mak afetadu iha ne’ebá,” tenik Ministru Ensinu Superiór, Siénsia no Kultura, Longuinhos dos Santos, iha Paláçio do Governo, kuarta ne’e, hafoin hamutuk ho  Ministru Obra Públika no Sekretáriu Estadu Terra no Propriedade, hodi hala’o diskusaun ho Primeiru-Ministru, Taur Matan Ruak, atu buka posibilidade bele realiza lalais Sidade Universidade.

Lee mós:  Prosesu Harii Sidade Universidade Tama Ona iha Termu Referénsia

Entretantu, antes ne’e, komunidade balun halo impedimentu ba obra ne’ebé mak atu harii. “Normalmente, konstrusaun ida atu hahú iha parte ida ka rua halo impedimentu maibé ita iha nia dalan para bele buka solusaun,” katak Longuinhos.

Nia informa, kustu ba obra ne’e seidauk bele hatene tanba sei iha faze levantamentu dadus no sei halo mós estudu viabilidade foin bele deskobre loloos osan hira mak utiliza ba obra refere.

“Tuir programa ne’ebé iha, setembru 2020, foin mak hahú konstrusaun. Maibé, depende ba ita-nia prosesu sira agora la’o hela,” nia subliña.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here