Logotipu PDHJ

DILI, 08 setembru 2019 (TATOLI)-Adjuntu Provedoria Direitu Umanu no Justisa (PDHJ-sigla portugés), Miguel Pereira de Carvalho, informa, aban, alin Zélia Miranda Lopes, sei asume knar Provedora PDHJ durante oras tolu, hahú  husi  tuku 08:00 too tuku 11:00 OTL.

Zélia Miranda Lopes nia pozisaun ne’e  nu’udar kumprimentu ida PDHJ nian ba pedidu Plan National of Timor-Leste, atu bele realize program ne’ebé hanaran Take Over, iha ámbitu internasionál, hodi selebra labarik feto foin-sa’e sira nian, ne’ebé mak sei monu iha 11 Outubru, tinan-tinan.

“Iha ámbitu ida nee mós PDHJ hakarak fó oportunidade ba feto foin-sa’e sira, atu bele aprende, no deside sira nia esperiénsia no tempu nu’udar joven,” informa Adjuntu PDHJ, Miguel Pereira de Carvalho, ohin, ba Ajénsia TATOLI iha nia knar fatin, Caicoli, Dili.

PDHJ konkorda no simu alin  Zélia Miranda Lopes, hodi foti pozisaun nu’udar provedora atu bele sente serbisu PDHJ nian.

Nia hatutan, kuandu too ona iha PDHJ sei ba iha gabinete provedora nian, halo audiénsia ho sekretaria provedora nian, audiénsia ho diretór  balun, vizita diresaun sira iha PDHJ, liuliu haree keixa iha diresaun investigasaun no diresaun fiskalizasaun no rekomendasaun.

Antes termina nia serbisu provedora nian, Zélia sei lidera reuniaun hamutuk ho konsellu diretivu no kontinua atualiza serbisu durante oras tolu ba Provedora, Jesuina Maria Ferreira Gomes ho rekomendasaun sira.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here