Xefe Departamentu Sinál no Tráfiku Diresaun Nasionál Transporte no Terrestre (DNTT) Ministériu Transporte no Komunikasaun (MTK), João Eugénio da Silva.

DILI, 07 outubru 2019 (TATOLI) – Xefe Departamentu Sinál Tránzitu Diresaun Nasionál Transporte no Terrestre (DNTT) Ministériu Transporte no Komunikasaun (MTK) João Eugénio da Silva, husu ba Kompañia Caicobilari Unipessoal, Lda atu aselera prosesu produsaun xapa matríkula.

Hodi haktuir, kompañia mai hasoru ona diretór no fó ona orientasaun hodi halais prosesu produsaun xapa matríkula, atubele haruka ba DNTT hodi halo ona distribuisaun.

“Empreza ne’ebé manán iha konkursu produsaun xapa matríkula maka Caicolibari Unipessoal, Lda, maski produsaun la’o, maibé to’o agora seidauk hatama mai iha DNTT”, João Silva ba Ajénsia Tatoli, iha nia serbisu fatin Balidi, ohin.

Tanba xapa matríkula ne’e empreza to’o agora seidauk hatama ba DNTT, nune’e seidauk bele halo distribui ba motorista sira  o kondutór sira.

Tanba ne’e, xapa matríkula sai preokupasaun públiku, nune’e empreza presiza aselera prosesu produsaun xapa matríkula atubele fahe ona.

Jornalista : Natalino Costa 

Editora : Maria Auxiliadora

HAKEREK NO HATÁN

Please enter your comment!
Please enter your name here