Juiz Administradór ein-funsaun Tribunal Distritál Dili (TDD), Juiz Afonso Carmona. Imajen/Domingos Piedade Imajen/Domingos Piedade

DILI, 07 outubru 2019 (TATOLI)–Prezidente Tribunál Rekursu (PTR), Deolindo dos Santos, hili ona Juiz Afonso Carmona hodi asume kargu nu’udar Juis Administradór Tribunal Distritál Dili (TDD) hodi troka Juiz Administradór sesante, José Maria de Araújo.

Maske desizaun iha ona no Juiz  Afonso Carmona hala’o ona nia atividade funsionál nu’udar Juis Administradór Tribunal Distritál Dili (TDD), maibé sei hein hela tempu oportunu atu hala’o termu de posse.

“Prezidente Tribunal Rekursu hili ona ha’u mak sai Juis Administradór Tribunál Distritál,” informa Afonso Carmona, ba Ajénsia TATOLI bainhira partisipa semináriu nasionál kona-ba demokrasia, knaar órgaun soberania, partisipasaun publika iha prosesu halo lei no asesu ba justisa formal ne’ebé organiza husi Programa Monitorizasaun Sistema Judisiál (JSMP-sigla ingles), foin lalais ne’e

Dezde loron 16 setembru 2019, Afonso Carmona hetan despaixu husi Prezidente Tribunal Rekursu komesa hala’o ona serbisu iha TDD, hodi identifika hela problema hanesan serbisu Tribunal no juis sira nia preokupasaun, nune’e kuandu toma da posse hein de’it ona implementa programa hirak nee.

Antes nee, Afonso Carmona hala’o nia knaar iha Munisípiu Baucau hanesan Juiz Administradór Baucau.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here