Prezidente Autoridade Nasionál Petróleu no Minerál (ANPM), Gualdino da Silva. Imajen /Tatoli.

DILI, 4 setembru 2019 (TATOLI)–Prezidente Autoridade Nasionál Petróleu no Minerál (ANPM), Gualdinho da Silva, hateten Timor-Leste bele iha urániu tanba haree hosi natureza maibé tempu ida sei deskobre liuhosi estudu.

Prezidente ANPM ne’e esplika katak foin halo estudu entaun seidauk deskobre rekursu barak.

“Konserteza indísiu barak hatudu katak ho kondisaun natureza hanesan ne’e bele iha, maibé presiza halo estudu liután molok ita atu pronúnsia no halo konkluzaun katak iha duni”, dehan nia iha Parlamentu Nasionál, kuarta (2/10).

Nia hatutan, asuntu ne’e importante duni, maibé sei liuhosi estudu no sei fó-sai iha tempu ne’ebé opurtunu.

Prezidente ANPM ne’e subliña, karik estudu hatudu urániu iha, Institutu Petróleu no Jeolojia sei fó-sai.

Tuir informasaun ne’ebé fó-sai iha mídia Indonézia, Kompas, katak urániu hanesan elementu kímiku iha tabela periódika ho símbolu U no númeru atómiku 92. Urániu iha 92 protóns no 92 eletrón.

Urániu ne’e metál mutin prateadu inklui série atinída iha tabela periódika ne’e.

Nasaun hirak ne’ebé riku urániu mak hanesan Kazakistaun ho kuantidade produsaun urániu tonelada 23.800(%39,34), kuantidade rezerva iha tonelada 679.300 (%11,51), lokaliza iha kontinente Ázia.

Nasaun sira sira seluk ne’ebé riku urániu maibé iha nasaun Kazakistaun nia okos mak hanesan Kanadá, Austrália, Nijéria, Rússia, Estadu Unidu Amérika no Xina.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here