Oradór sira husi TLPU, AJTL ho GMN iha Semináriu “Divulgasaun no Públikasaun Informasaun Sensivél ba Jéneru" iha Tibar, Kinta (03/10/2019). Imajen/DNDI

TIBAR, 03 outubru 2019 (TATOLI)-Órgaun komunikasaun sosiál  (mídia) iha influensia ida boot tebes atu muda ema nia mentalidade, karaterístiku no muda ema vizaun. Tanba ne’e, mídia iha papél ida importante mós atu promove igualdade jéneru  iha sosiedade Timor-Leste.

Partisipante iha Seminariu “Divulgasaun no Públikasaun Informasaun Sensivél ba Jéneru.” Imajen/DNDI

Atu atinje meta kontribuisaun mídia nian ne’e ba promove igualdade jéneru, ohin, iha Tibar, Munisípiu Liquiça, Diresaun Nasional Diseminasaun Informasaun (DNDI), Sekretáriu Estadu Komunikasaun Sosiál (SEKOMS) fasilita semináriu ‘interesante’ ida ho tema sentrál  “Divulgasaun no Públikasaun Informasaun Sensivel ba Jéneru”, hodi motiva mídia sira ajuda apoiu promove polítika igualdade jéneru.

Reprezentante Sekretária Estadu Inkluzaun Sosiál (SEII),  Abílio Barreto  ne’ebé reprezenta SEII iha semináriu ne’e hato’o agradese ba SEKOMS tanba kontinua koopera hodi promove igualdade jéneru entre feto no mane no mós atu konsidera iha polítika ministériu ida-idak nian hodi promove no proteje di’ak liután diretu feto nian bazeia ba sensibilizasaun jéneru.

Tuir nia, papél mídia importante atu promove igualdade jéneru liuhusi notísia no produtu jornalistiku sira seluk.

Seminar nasionál ne’e partisipa husi Funsionáriu DNDI, SEII, UPMA, FOKUPERS,  reprezentante asosiasaun jornalista no jornalista sira ho konvidadu sira seluk tan.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here