Ekipa Konjunta KAK, PDHJ, IJE ho KFP halo inspesaun urjenti ba SEFOPE Becora, Dili, kinta (03/10/2019). Imajen/Domingos Piedade

DILI, 03 outubru 2019 (TATOLI) –Ekipa Konjunta ne’ebé kompostu husi Komisaun Anti Korrupsaun (CAC-sigla Portugés), Inspetór Jerál Estadu (IGE-sigla Portugés), Provedór Direitu Umanu no Justisa (PDHJ-sigla Portugés) ho Komisaun Funsaun Públiku (CFP-sigla Portugés), ohin, hala’o inspesaun urjente ba Sekretáriu Estadu Polítika Formasaun Profisionál no Empregu (SEFOPE) iha Becora, hodi buka tuir indísiu korrupsaun, koluzaun no nepotizmu (KKN) iha prosesu rekrutamentu traballadór timoroan ba Australia ho Korea do Sul.

Operasaun Kunjunta husi KAK, PDHJ, IJE ho KFP halo inspesaun ba SEFOPE Becora, Dili, kinta (03/10/2019). Imajen/Domingos Piedade

Operasaun konjunta ne’e mós buka hatene sistema serbisu nian iha SEFOPE Becora, atu hadi’a hikas hodi bele asegura priviléjiu SEFOPE nian iha doadores sira nia futar matan.

“Ita presiza hadi’a ho seriedade ba lakuna sira ne’ebé akontese iha prosesu rekrutamentu traballadór timoroan sira liu husi SEFOPE. Se lae, lakon konfiansa husi doadores sira, husi nasaun seluk hodi ajuda traballadór Timor-Leste serbisu iha rai li’ur,”  hateten Komisáriu KFP, ba suntu Disiplinár nian, António Freitas, ba jornalista iha ámbitu inspesaun ba SEFOPE Becora.

Operasaun Konjunta, hateten António Freitas, presiza duni halo inspesaun ba fatin sira ne’ebé iha indísiu serbisu la iha transparente atu nune’e bele hadi’a no halo antesipasaun  hodi asegura transparénsia no boa governasaun.

Jornalista : Domingos Piedade Freitas

Editór       : Francisco Simões

2 KOMENTÁRIU

HAKEREK NO HATÁN

Please enter your comment!
Please enter your name here